Masalmo 71:15 - Bhiblia Yo Sawuleka

¹⁵ Dotshe ditshiku ni na huwelela ti to u hi hanyisile ni na xawutela mithumo yako ya kululama,

Masalmo 71:15 Referans Kwoze

Masalmo 40:5

Awe Mkoma, Txizimu txangu, u hi mahete sixamaliso sako sa hombe; kha nga ho m'thu wu a dinganiswako ni nawe! U mahile makungo a hombe o xamalisa a ku hi vhuna; mithumo yako, hambi idiku no lava ku yi bala ni ku yi xawuta, nga ni si sikoti, nguko nja kutanda vabali.

Masalmo 35:28

Konako ni na kudhumisa, Mkoma, ngu kululama kwako; dotshe ditshiku ni na embelela wudhumo wako!

Masalmo 145:2

Otshe masiku ni na ku bonga. Ni na dhumisa ditina dako kupinduka ni kupinduka.

Masalmo 71:8

Txisofu txangu txi na tale ngu ku kudhumisa ni wudhumo wako dotshe ditshiku.

Masalmo 89:16

Otshe masiku va tsaka ngu ngawe va nengela ngu mhaka ya wunene wako.

Masalmo 71:24

Dotshe ditshiku lidimi langu li na xawuta kululama kwako, nguko va xowokile ve tala ngu tingana vale va nga txi lava ti to ni welwa ngu dikhombo.

Masalmo 30:12

Ti di ngeto, Mkoma, Txizimu txangu, ni na embelela ngu ngawe ni si gwiti, ni na kudhumisa kala kupinduka.

Masalmo 40:12

Ni randetwe ngu makhombo o tala ngutu; sionho sangu si ni khubhunyetile ni kuwona kha ni woni! Sionho sangu sitate kupinda misisi ya msungo wangu; ngu toneto, mbilu yangu ya rereka.

Valamuli 5:11

Engisani diguwa da vale va abanako thomba yo yi mana yimbini, va di ha sisimani ka mati. Va dhumisa mithumo yo lulama ya Mkoma. Mithumo yakwe yo lulama hagari ka va ka Israyeli. Sekoko vathu va Mkoma va ti ya ema ha txikeni ka didhoropa.

1 Makronika 16:23

Embelelani Mkoma anu mafu otshe; nuwelani kuhanyiswa kwakwe ngu masiku otshe.

Masalmo 40:6

Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Masalmo 51:16

Awe khu lavi timhamba; ani nga ni txi ku mahela; awe khu khatali ngu miningelo ya sihari so hiswa.

Masalmo 73:28

Aniko kwangu, ndinene kuzumba hafuhi ka Txizimu. Awe, Mkoma, Txizimu txangu, u wuthavelo wangu; ni na huwelela totshe ti u nga maha.

Mavingu 5:2

kasi ku u na xayisa siziviso sangu, ni txisofu txako txi vekete wuzivi.