Masalmo 71:11 - Bhiblia Yo Sawuleka

¹¹ va txi kha vona: “Txizimu txi mtshuralete; m'hingeni, mi mñola nguko, kha nga ho wo sikota ku m'hanyisa!”

Masalmo 71:11 Referans Kwoze

Masalmo 7:2

Va nga thuka va txi ni vharulela nga ngonyamo, va txi ni bhenulela, ku txi pwateka ni wammweyo wa ku ni vhuna.

Matewu 27:46

Kambe ngu txikhati txa wutxhanu ni mune, Jesu a to kwangula ngu dipswi da hombe, a txi khene: “Eli, Eli, lama sabaktani, kani?” Ati ti wombako ku: “Txizimu txangu, Txizimu txangu, u ni lekete txani kani?”

Masalmo 3:2

Mbavangi avale va wombako ngu ngani va txi kha vona: “Kha ku nga ho kuhanyiswa kwakwe ngu didhawa da Txizimu!”

Matewu 27:49

Aniko vamwanyani va to womba va txi kha vona: “Leka, hi lava kuwona ti to mwendo a nata Elija a ta mu hanyisa.”

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Masalmo 42:10

I mhaka muni ni txi xanisekisa tiya kani? Valala vangu va ni ruketela ditshiku ni ditshiku va ni wotisa va txi kha vona: “Txi hani Txizimu txako kani?”

Masalmo 37:28

Mkoma a randa kululama ene kha leki vathu va va mthembako. Ene wa va vhikela yotshe mbimo, aniko liveleko la vabihi li na fuviswa.

Masalmo 37:25

Ni ti mfana, se konkuwa ni kumbile, kambe kha ni zivi kuwona m'thu wo lulama e lekwa wusiwanani, hambi vanana vakwe kha ni zivi ku va wona ve kombela sakudya.

1 Samuwele 23:7

Kambe Sawule a to ziviswa taku Dhavhidha a wulete Keyila. Se Sawule a to khene: Txizimu txi mningete manzani kwangu, nguko a ti vhalete, ngu kuya wulela ka didhoropa da matimba ni sikhweketo sa tisimbi.