Masalmo 71:10 - Bhiblia Yo Sawuleka

¹⁰ Valala vangu va womba-womba ngu ku ni wukela; avale va lavako ku ni daya va langana txikungo,

Masalmo 71:10 Referans Kwoze

Jeremiya 20:10

Nguko ni pfite kungungurukela ka vavangi: Kuho kuthava ka otshe madhawa! “Wombani, hi na mmangala!” Votshe vale va ku ni kuthutha ni nani, va verela kuwa kwangu, va txi kha vona: “Mwendo a nga tumela kukujetelwa, sekoko hi na mxuthula, kuva hi pharela kwakwe.”

Masalmo 83:3

Va lukile marindi o wukela vathu vako, ve maha txikungo txo daya vale u va vhikelako.

Masalmo 56:6

Va ramba sikungo, va txi ni baramela, va txi wonisisa makando angu, na va txi rinzela mbimo ya ku ni daya. Ina vathu vo bihisa tiya va nga huluka kani?

Masalmo 31:13

Ni engisile va txi womba-womba kubiha ngu ngani; ni taletwe ngu dizowa, nguko valala vangu va ni rambete txikungo, va lava ku ni daya.

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Mavingu 1:11

Va txi kha vona: Tsimbila ni nathu, hi baramela vathu, hi duka vale vo pwata mnandu,

Masalmo 10:9

A fana ni ngonyamo yi ku diphalani ka yona; ene wa riya milawu kasi kubzweta txisiwana; mbimo yi a txi bzwetako wa txi ruruvisa, e txi ndinda ngu mlawu wakwe.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

1 Samuwele 19:11

Kambe Sawule a to rumela mitumi yi ya m'tini ka Dhavhidha ya kuya mwonelela, ni ku m'daya ni mixo; e yo Mikali msikati wakwe, a to zivisa Dhavhidha, a txi khene: Ngako u si hulukisi wutomi wako wusiku wuwa, mangwana va nata kudaya.

Masalmo 109:20

Mkoma a na tsayise nga toneto valala vangu, ni vale va wombawombako kubiha ngu ngani!