Masalmo 7:7 - Bhiblia Yo Sawuleka

⁷ Tshanganisa otshe matiko mata kurandela u txi ma fuma u di txitimwi ka txikhalo txako txa wukoma.

Masalmo 7:7 Referans Kwoze

Mtuletelo 19:2

Nguko kulamula ka txona nga ditshuri ni kululama. Ngu txona Txizimu txi nga lamula digelegele da hombe di nga ti nyeta mafu ngu wugelegele wa dona; se ka dona Txizimu txi pharete mnoha wa sithumi sa txona.”

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 138:6

Hambiko Mkoma a ku txitimwi ngutu, wa pfisisa awu i ku txisiwana; aniko ka m'thu wo ti guleta a m'ziva a di kule.

Masalmo 93:4

Aniko awe, Mkoma, u ku Nyatxitimwi, u wa mtamo ngutu kupinda kudhuma ka mati; u ni mtamo ngutu kupinda mavimbi a linene.

Masalmo 48:11

Wu na tsake mmango wa Siyoni! Ma na tsake madhoropa a Judha, nguko kulamula kwako Mkoma ngo lulama!

Masalmo 35:23

Vhumuka u wuka uya kulamulwani kwangu, kasi kuya ni emela, Txizimu txangu ni Mkoma wangu!

Masalmo 43:1

Ni lamulele, Txizimu txangu; u txi ni lwela ka vathu va vo biha, va kwa mbi na wukhongeli! Ni hulukise ka vathu va makuhu, vo kanganyisa.

Masalmo 59:5

Awe koko Mkoma, Txizimu txa Mabutho a Tiyimbi, Txizimu txa Israyeli, wuka u tsayisa otshe matiko: U ngave ni wumbilu ka ni wihi wa votshe vale va mahako kubiha.