Masalmo 7:5 - Bhiblia Yo Sawuleka

⁵ konaho mlala wangu a na ni hinge a txi ni ñola, a na ni wise hahatshi a txi ni phwarasela.

Masalmo 7:5 Referans Kwoze

Malakiya 4:3

Se mi na kandetela vabihi, nguko va na maha dikhuma hahatshi ka mikondo yanu, ka ditshiku dile ni no maha eto, kuwomba Mkoma wa Mabutho a Tiyimbi.

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Habhakuki 3:13

Awe u humile kuya hulukisa vathu vako, kuya hulukisa msawuleki wako; awe u gangile msungo wa nyumba ya wo biha, u fumbula makhato a nyumba kala magwito. (Selahi)

Jeremiya 17:13

Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.

Isaya 63:3

Ani nokha ni to suka dipipani, se ka vathu kha ngaho a nga ti ti ni nani; se kuhenyani kwangu ni to va suka, ni ku va phwarasela ngu txiviti txangu; se mnoha wawe wu to ndakela syambalo sangu, ni nzihatisa sotshe syambalo sangu.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Masalmo 60:12

Ngu kuvhunwa ngu Txizimu hi na mana kuxula; nguko ngu txona txi no ganyatela valala vathu.

Masalmo 49:12

Wuhombe wa m'thu kha wu sikoti ku m'hulukisa ka lifo; kufana ni sotshe sihari, nene a fanete kufa.

Masalmo 44:5

Hi xula valala vathu ngu mtamo wako, ngu ditina dako ha ganyatela vaxanisi vathu.

Masalmo 3:2

Mbavangi avale va wombako ngu ngani va txi kha vona: “Kha ku nga ho kuhanyiswa kwakwe ngu didhawa da Txizimu!”

Jobe 16:15

Rungani mkhwasi aha ka nyama yangu, se mi rindilita msungo wangu lithuluni.

1 Samuwele 24:11

Wona koko, tata wangu, wona diye tshoka ya txyambalo txako manzani kwangu; nguko ani ni to wila tshoka ya txyambalo, kambe kha na kudaya. Wona koko, u tiziva ti to kha ku na wulala ni wubihi manzani kwangu, ni ti to ani kha na kuonhela; kambe awe wu lavetela kuthavisa wutomi wangu.

1 Samuwele 24:18

Nyamsi awe wu ni kombile wumbilu wu wu ku nawo ni nani; nguko Mkoma a ti ni ningete manzani kwako, kambe awe khu ya ni daya.

1 Samuwele 24:20

Konkuwa koko, na tiziva ti to kha ditshuri u na fuma, ni ku mfumo wa va ka Israyeli wu na tsana manzani kwako.