Masalmo 7:17 - Bhiblia Yo Sawuleka

¹⁷ Ni na dhumisa Mkoma ngu mhaka ya kululama kwakwe: Ni na embelela ni dhumisa Mkoma Nyatxitimwi.

Masalmo 7:17 Referans Kwoze

Masalmo 9:2

Ni na tsaka ngu litsako la hombe ngu ngawe, ni na embelela tindando ta kudhumisa ditina dako, awe Txizimu Nyatxitimwi.

Masalmo 98:2

Mkoma a zivisile kuhanyisa kwakwe; masoni ka mifumo a kombisile kululama kwakwe.

Masalmo 111:3

Mithumo yakwe yi tate ngu wunene ni kudhundeka kululama kwakwe kusimama kala kupinduka.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Masalmo 92:8

Kambe awe, Mkoma, u wa hombe yotshe mbimo.

Masalmo 35:28

Konako ni na kudhumisa, Mkoma, ngu kululama kwako; dotshe ditshiku ni na embelela wudhumo wako!

Mithumo 7:48

“aniko Nyatxitimwi kha zumbi ka tinyumba to mahwa ngu manza a vathu, madingano ni kuwomba ka Mprofeti, a nga khene:

Masalmo 51:14

Awe Txizimu, ngawe u ni hanyisako! Ni hulukise ka lifo ni na huwelela ngu tindando ti to u lulamile.

Masalmo 145:7

Vathu va na nuwela ngutu wudhumo wa wunene wako wa hombe kambe va na embelela wululamo kwako.

Masalmo 92:1

Ti ni fanelo ku kubonga, awe Mkoma, ti ni fanelo ku kudhumisa ngu tindando, awe Nyatxitimwi!

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Valamuli 9:24

atiya ti humelete kasi ku txi photelwa wugevenga wule wu nga mahwa, wo daya mtxhanu wa magumi ni magumi mambidi a vanana va Jerubhahali, ni ti to mnoha wawe wu txi wa txitimwi ka Abhimeleki mwanawe, awule a nga va daya, kumweko ni vavamna va Sikemi, avale va nga mkujetela kudaya vanawe.

Valamuli 9:57

Txizimu txi to tshumetela kambe wubihi wotshe txitimwi ka misungo ya vavamna va Sikemi; ni txiruko txa Jothamu, mwana Jorobhahali, txi to wela txitimwi kwawe.

2 Samuwele 3:29

U na zumbe txitimwi ka msungo wa Jowabhi ni ka yotshe nyumba ya tate wakwe, ka nyumba ya Jowabhi ku nga thuke kupwateka ni wammweyo wo lwala ngu mtungu, mwendo wa sigwiri, mwendo wo txheketela ngu ndonga, hambi wo dawa ngu ditxhari mwendo wo pwata sakudya.

1 Vafumeli 2:32

Ngu toneto, Mkoma a na maha ti to mnoha wakwe wu txi wa ha msungo kwakwe ene nyamne, nguko a date vavamna vambidi vo lulama, kambe vavanene ngutu kupinda ene, a nga va daya ngu ditxhari, asi ti zivi tate wangu Dhavhidha, i ku vava: “Abhineri, mwana Neri, mthangeli wa yimbi ya ka Israyeli, ni Amasa, mwana Jeteri, mthangeli wa yimbi ya ka Judha.”

Esteri 9:25

Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

Masalmo 140:10

Makala a mndilo ma nawe txitimwi kwawe, va na rinzwe mndiloni, ka maphalani o tshima, kasi ku va siswi ve wuka kambe.