Masalmo 7:16 - Bhiblia Yo Sawuleka

¹⁶ Wubihi wakwe ni tshofu yakwe si na wele txitimwi ka msungo wakwe.

Masalmo 7:16 Referans Kwoze

Esteri 9:25

Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

1 Vafumeli 2:32

Ngu toneto, Mkoma a na maha ti to mnoha wakwe wu txi wa ha msungo kwakwe ene nyamne, nguko a date vavamna vambidi vo lulama, kambe vavanene ngutu kupinda ene, a nga va daya ngu ditxhari, asi ti zivi tate wangu Dhavhidha, i ku vava: “Abhineri, mwana Neri, mthangeli wa yimbi ya ka Israyeli, ni Amasa, mwana Jeteri, mthangeli wa yimbi ya ka Judha.”

Masalmo 36:12

Ndiva vabihi va wite hahatshi, va wite, kha va na mbiswa ve wuka.

1 Samuwele 28:19

Se Mkoma a na kuningela awe ni va ka Israyeli manzani ka Vafilista, mangwana awe ni vanana vako mi na va ni nani; kambe wugovelo wa va ka Israyeli, Mkoma a na wu ningela manzani ka Vafilista.

1 Samuwele 26:10

Dhavhidha a to engeta a txi khene: Ni xambanya ngu Mkoma wu a hanyako, taku Mkoma a na m'daya, mwendo ti to ditshiku da kufa kwakwe di na hoka, ni ku mwendo a na relela ku yalwa a txi ya lova.

1 Samuwele 23:9

A di ti zivile koko, Dhavhidha ti to Sawule wa maha makungo o biha o mwukela, a to khene ka Abhiyatari, mphaxeli: Tisa efodhe ahawa!

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

1 Vafumeli 21:19

Se tsula u txi ya m'gela ku khawe: Mkoma a womba tiya: Ina mwendo khu ngo m'daya u txi teka thomba kani? U na m'gela kambe ku khawe: Mkoma a womba tiya: Ka wukhalo wule timbwa ti nga danzela mnoha wa Nabhote, timbwa ti na danzela ni wako mnoha, ina mnoha wako kha ditshuri.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Jobe 4:8

Ani ni khala kuwona vale va dimako wubihi, ve phaya wubihi ni kutshumela ve elula.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Masalmo 35:8

Va na humelwe ngu dikhombo di di si ziviko kuwonwa! Va na bzwetwe ngu mlawu wu va nga ni riyela ngu wona! Va txi wa mu ka diphala di va ngadi kela!

Masalmo 57:7

Mbilu yangu yi tsani, awe Txizimu, mbilu yangu yi tsani ni na embelela tindando ta ku kudhumisa.

Masalmo 141:10

Vabihi va nawe ka milawu yawe vapune, kasi ku ni huluka do gwita.

Mavingu 1:19

Edo ngu dona ditshuri da vale va ti ningetetelako mu ko navela; kunavela ku na ñola dihika da vale va ku ni kunavela.

Mavingu 26:27

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Ekleziyaste 10:8

Awule a kelako diphala a na wela ka dona, ni wu a dhodako diseta a na lumwa ngu mnyoka.