4 Mbavangi vale va ni bavelako na va si nga ni ditshuri kupinda misisi ya ha msungo kwangu; mbavangi ngutu valala vangu avale va hembako ngutu ngu ngani. Se ni na tshumeta asile ni nga mbi pa kani?
Ni randetwe ngu makhombo o tala ngutu; sionho sangu si ni khubhunyetile ni kuwona kha ni woni! Sionho sangu sitate kupinda misisi ya msungo wangu; ngu toneto, mbilu yangu ya rereka.
Kha ditshuri, Kristu nene a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu. A fite ngu ka mmidi, aniko a hanyisilwe ngu ka moya.
nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.
Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.