Masalmo 69:11 - Bhiblia Yo Sawuleka

¹¹ hambi ni txi ambala mkhwasi vona va ni tseketsela.

Masalmo 69:11 Referans Kwoze

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

1 Vafumeli 9:7

sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

Jobe 17:6

Aniko ani a ni vekile kuve txisekiso ka vathu, se ni gwitisile kuva txinyenyeko kwawe.

Joyeli 1:13

Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:8

Dila nga m'horana wotuma wo ambekwa masaka, ngu mwamna wa wuphya wakwe.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Isaya 20:2

Mkoma a to womba-womba ka mbimo yoneyo, ngu txisofu txa Isaya, mwana Amoni, a txi khene: Tsula u ya txhatxha syambalo sa mkhwasi txiwununi kwako, u thavisa tikathula mikondoni kwako. A to maha toneto, e tsimbila-tsimbila i di tximbwiri, na asi nga ni tikathula.

Dhewuteronome 28:37

U na va u di txidiwukiso, ni txisekiso, ni txiruko, hagari ka vathu votshe vava, Mkoma a no va a di ku yisile kwawe.

Masalmo 109:24

Mazolo angu ma nguda-nguda ngu mhaka ya kutitona sakudya ni mmidi wangu wa karala ngu kugoma.