Masalmo 68:9 - Bhiblia Yo Sawuleka

⁹ Awe Txizimu, awe u mahile ma txi na mati ngu mtalo; u wusetile mafu awa i ku ako.

Masalmo 68:9 Referans Kwoze

Dhewuteronome 11:14

ni na wuyisa mati ka ditiko danu, a kuwa ngu mbimo yi yi lavekako, mati a wuxika ni mati a mbimo ya minyuko. Ngu toneto, u nga sikota kuelula fulaho yako, ni vhinya yako, ni mtona wako.

Ezekhiyele 34:26

Se ka tona, ni makhalo ma nga randela simangwana, ni na thela kukateka; ni na nisa mati ngu mbimo ya kona; ma nava mati a makatekwa.

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Valamuli 5:4

Awe Mkoma, mbimo yi u nga huma ngu Seyiri, mbimo yi u nga ta ngu libalani ka Edhomi, mafu ma to zinginika nzuma yi to nisa mati, se marefu ma to wisa mati.

Valamuli 5:5

Mimango yi nyivilikile masoni ka Mkoma, ni wona mmango wa Sinayi, masoni ka Mkoma, Txizimu txa ka Israyeli.

1 Vafumeli 19:11

Se Mkoma a to khene ka Elija: Huma hahanze u txi ya maneka mmangoni masoni ka Mkoma. Se Mkoma a txi pinda, kumweko ni moya wa hombe wa mtamo, wu nga txi bhandelela mmango, ni kukhundumusa marigwi masoni ka Mkoma; aniko Mkoma a ti si ngaho ka moya wule; wu di pindile moya wule ku to zinginika mafu; emo kambe asi ngaho Mkoma.