Masalmo 68:5 - Bhiblia Yo Sawuleka

⁵ Txizimu txi zumbako mu Dithepeleni ka txona ko sawuleka, i tate wa sikulungu, kambe m'vhikeli wa tinoni.

Masalmo 68:5 Referans Kwoze

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Jeremiya 49:11

Leka sikulungu sako, ani ni na si xayisa si txi hanya; ni tinoni tako ti na themba kwangu.

Dhewuteronome 10:18

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

Masalmo 146:9

Mkoma wa xayisa valuveli; wa xayisa vo felwa ngu vaveleki, ni tinoni, aniko wa weketa nzila ya vaonhi.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 72:4

Mfumeli a na vhikele sisiwana sa ditiko; e vhuna sisiwana ni kuganyatela vaxanisi!

Masalmo 10:18

Lamulela ava vo felwa ngu vaveleki, ni va va xanisekako, ku nga ve ni wammweyo m'thu wa mafu awa, a tshumelako a txi va xanisa.

2 Makronika 6:2

Se ani ni ku akete nyumba yo zumba ka yona, i ku wukhalo wu u no zumba ka wona yotshe mbimo.

Vaefesu 5:1

Ngu toneto, etetelani Txizimu, anu mi ku vanana va txona vo randeka ngutu.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Masalmo 72:2

kasiku e thethisa vathu vako ngu kululama ni kuxayisa sisiwana ngu kululama.

Masalmo 33:14

Mkoma wa va wona votshe vathu va hanyako ha mafuni.

2 Makronika 30:27

Sekoko vaphaxeli ni Valevhi va to khukha ve katekisa vathu; dipswi dawe di to engiswa, nguko mikombelo yawe yi hokile ka wukhalo wakwe wo sawuleka nzumani.

Hoseya 14:3

Asiriya kha na mbi hi hulukisa, kha hi na mbi tsula hi di gadhile mahantxhi, ka mithumo ya manza athu, kha hi na mbi womba kambe ku khathu: Awe u Txizimu txathu; nguko ngu ngawe, awule wo felwa ngu vaveleki, a na mahelwa wumbilu.

Dhewuteronome 26:15

Wonisisa u di ha wukhaloni kwako ko sawuleka ka nzumani, kambe katekisa ngamu yako ya ka Israyeli, kumweko ni mafu ale u nga hi ninga, nga ti u nga xambanya ka vatate vathu, ditiko di di khulungako masi ni wulombe.

Eksodha 3:15

Se Txizimu txi to kha txona ka Mosi: “U na ya womba ka vanana va ka Israyeli u txi khawe: Mkoma Txizimu txa vatate vanu, Txizimu txa Abrahamu, Txizimu txa Isaake ni Txizimu txa Jakobe txi ni rumile kwanu. Adiya nditina dangu ngu hawa ku si gwitiko, di na va txialakanyiso txangu ka liveleko ni liveleko.”

Masalmo 118:19

Tulelani matimba a Nyumba ya Txizimu, ni lavako kuwulela ni dhumisa Mkoma!

Masalmo 150:6

Sotshe sivangwa so hanya si na dhumise Mkoma! Dhumisani Mkoma!

Isaya 12:4

Se ka ditshiku donedo, mi na khanu: Bongani Mkoma, mi pfalisa ditina dakwe, gelani vathu simaho sakwe, embelelani ti to ditina dakwe di txitimwi ngutu.