Masalmo 68:4 - Bhiblia Yo Sawuleka

⁴ Embelelani ka Txizimu, embelelani tindando mi dhumisa ditina da txona, dhumisani awule a tsimbilako txitimwi ka marefu. Ditina dakwe i Txizimu! Tsakani masoni kwakwe!

Masalmo 68:4 Referans Kwoze

Dhewuteronome 33:26

Awe Jesurumi kha nga ho wa kufana ni Txizimu, a tako a di gadhile tinzuma kasi ku ta ku vhuna, a tako ni wuhombe wakwe txitimwi ka marefu!

Masalmo 66:4

Ditiko dotshe da kukhozela di txi kudhumisa ngu tindando; votshe va embelela tindando ka ditina dako.”

Masalmo 104:3

U akile nyumba yako matini txitimwi ka tinzuma. Marefu u ma mahile txikotxikani txako u tsimbila u di txitimwi ka mabhapi a diphuho!

Masalmo 68:33

Ka wule tsimbilatsimbilako a di gadhile tinzuma ta tinzuma, kukhukhela kaleko! Wona taku wa rumela dipswi dakwe ni kuninga kudhinda ko thisa ngutu.

Masalmo 66:2

Embelelani wundhumo wa ditina da Txizimu; ningani wudhumo ka wundhundo wa Txizimu.

Masalmo 67:4

Mifumo yi na giye ngu litsako, nguko awe u fuma vathu ngu kululama kambe wa xayisa mifumo ya ditiko!

Masalmo 18:10

Txi puruma txi di gadhile dikerubhima, txi tsimbila txi di mabhapini ka diphuho.

Isaya 40:3

“Dipswi da wu a kwangulako txiwulani di kha dona: Longiselani nzila ya Mkoma; lulamiselani amu ka ligwangwa magondo a Txizimu txathu.”

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Eksodha 6:8

Ngu msana ani ni na mi yisa ka ditiko di ni nga thembisa ngu txixambanyo ka Abrahamu, ka Isaake ni ka Jakobe; kambe ni na mi ninga di txi maha thomba yanu; ani ngani Mkoma.

Eksodha 6:3

Ni humelete ka Abrahamu, ka Isaake ni ka Jakobe ni di Txizimu txa Mtamo-Wotshe; aniko ngu ditina dangu, ani Mkoma, kha na ti zivekisa ngu dona.

Eksodha 3:14

Se Txizimu txi ti kha txona ka Mosi: “ANI NGANI I KU ANI.” Txizimu txi to kha txona kambe: U na ya womba tiya ka vanana va ka Israyeli: “ANI NGANI, a ni rumile kwanu.”

Isaya 62:10

Humani, humani ngu sike; longiselani nzila ya vathu; lulametani, lulametani digondo, mi thavisela marigwi ka dona; gwimbani m'jeke ka vathu.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Masalmo 5:12

Nguko awe u katekisa wule a mahako to lulama, wunene wako wa m'vhikela kufana ni txitxhavangu.

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Masalmo 97:11

Kuwonekela kuwoninga vathu vavanene, ni litsako li rinzela ava va timbilu to lulama.

Mavingu 10:28

Themba ya vo lulama ngu litsako, aniko kuverela ka vo biha ku na lova.