Masalmo 68:16 - Bhiblia Yo Sawuleka

¹⁶ Anu mimango yo demba, ngu kutxani mi wona ngu kubavela mmango wu Txizimu txi nga wu sawula kasi kumaha dizumbo da txona kani? Mkoma a na zumba ka wona kala kupinduka!

Masalmo 68:16 Referans Kwoze

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

Masalmo 114:6

Anu mimango, ngu kutxani mi txi jala-jala nga tihamba kani, ni nanu mimango mi ndakela txani nga sinvutana kani?

Masalmo 114:4

Mimango yi to jala nga tihamba ni mimango yi to ndaka nga sinvutana!

1 Vafumeli 9:3

Se Mkoma a to m'gela ku khene: Ni pfite mkombelo wako ni kudila kwako, u nga dila masoni kwangu; ni sawulekisile nyumba yi u nga yi aka, kasi u veka kona mule ditina dangu yotshe mbimo; se maso angu ni mbilu yangu si na va kona mule otshe masiku.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.