Masalmo 68:12 - Bhiblia Yo Sawuleka

¹² “Vafumeli ni mabutho awe ndivale va thava, m'tini vavasikati va phakelana sile si nga honyolwa ka mlala.”

Masalmo 68:12 Referans Kwoze

Joxuwa 10:16

Vafumeli vale va mtxhanu va to thava veya sisala diphalani ka Makedha.

Valamuli 5:19

Vafumeli va tile va txi ta lwa, vafumeli Vakanana va lwite ditikoni ka Tahanaki, mabambe ka mati a Megidhu, aniko, kha va teka simaha sa kuhonyola sa silivhela.

1 Samuwele 30:24

Se i mani wu a ndi no mi engisa ka to fana ni tiya kani? Nguko txyavelo txa vale va nga ti ti yite yimbini txi na lumba vale va nga ti ti sate ni thundu; va na abaniselwa ngu kufana.

Mtuletelo 6:15

Vafumi va mafu, ni tinduna, ni vathangeli va tiyimbi, ni vanyatithombe, ni vathu va mtamo, ni votshe tikhumbi ni vathuseki, va to tumbela maphalani ni hahatshi ka marigwi mimangoni.

Valamuli 5:30

Va nava va di kuphakelani ka si va nga handa kani? Wamwamna wammweyo, ina kha ningwa dihorana dimwendo mwendo mahorana mambidi, kani? Tinguwo to rungelwa ngu kutshuriselwa, nda Sisera, tinguwo to rungelwa ngu kutshuriselwa to bombisa thamo ya msikati wakwe.

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Mitengo 31:54

Mosi ni Eleyazari, mphaxeli, va to amukela nzalama ya vathangeli mabutho a yimbi ni ya mazana, ve si tisa ka ditenda da msengeletano, kasi kualakanyisa vanana va ka Israyeli, masoni ka Mkoma.

Mitengo 31:27

se u abanisa sile so ñolwa ngu madhawa mambidi, ka vale vo sikota kha kwati kulwa, va nga huma veya yimbini, ni wotshe msengeletano.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”