Masalmo 68:1 - Bhiblia Yo Sawuleka

¹ Mbimo yi Txizimu txi wukako, valala va txona va hangalaka; avale va txi zondako va txi thava;

Masalmo 68:1 Referans Kwoze

Mitengo 10:35

Mbimo yi koko dibhokiso di nga ti khukha, Mosi a ti ti khene: “Wuka Mkoma, valala vako va na hangalaswe, ni va va ku vengako, va na thave masoni kwako.”

Masalmo 44:26

Khukha u txi ta hi vhuna; hi xangute ngu kurando ka wumbilu wako.

Masalmo 89:10

U ganyatete Rahabhi txingongongo txa lineneni, u txi daya; ngu mtamo wako wa hombe u hangalasile valala vako.

Isaya 33:3

Vamatiko va txipfa diguwa dako, vo tutuma; u txi wuka, matiko mo hangalaka.

2 Makronika 6:41

Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

Masalmo 68:30

Kawuka mawuti a titshavani, mtxhambi wa hombe wa tikuzi ni marole a kona a vathu va ganyatelako siya sawe sa silivhela ngu mikondo ve hangalasa vathu va va dhundako yimbi!

Masalmo 68:14

Ngako awule wa Mtamo-wotshe a txi hangalasa wukoma, konako hunguva yi ti ti wa mmangoni ka Salmoni.

Masalmo 59:11

Mkoma, u nga va daye, kasiku vathu vangu va si divali; va hangalase u txi va xowokisa ngu mtamo wako. Mkoma, awe u m'vhikeli wathu!

Masalmo 21:8

Dianza da Mkoma di na ñola votshe valala vako; dianza dako da txinene di na tsayisa votshe va va ku vengelako.

Dhewuteronome 7:10

aniko ene a tshumetela ngu ku va lovisa avale va m'vengako, kha sweli kudihisa, a na va tshumetela.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Dhaniyeli 2:35

Sekoko txi to koyolelwa kumweko ni txikete, ni dibumba, koporo, silivhela ni nzalama, asi si nga maneka nga mtungu wa timbimo ta kuoma, se moya wu si huhisa, kambe kha wa maneka wukhalo ni wawumwewo wo si lumba; aniko dirigwi di di nga khundumusa txithombe mmumbu wa hombe, di tata otshe mafu.

Ezekhiyele 5:2

U na hisa lipimo limwelo la wuraru la misisi ngu mndilo, hagari ka didhoropa, ngako ma di gumile masiku a kurandela; sekoko u na teka limwani lipimo, u txi li wilela ngu ditxhari u txi horoloka didhoropa; se lipimo la wuraru lo gwitisa, u na li xwaya; nguko ni na li tutumisa ngu ditxhari.