Masalmo 67:7 - Bhiblia Yo Sawuleka

⁷ Txizimu txi na hi katekise! Mafu otshe ma na txi thave!

Masalmo 67:7 Referans Kwoze

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Isaya 45:22

Hundulukelani kwangu mi na hanyiswa, anu motshenu mihingano ya mafu; nguko ani ni Txizimu, kha ku na tximwani.

Mithumo 13:26

“Vanathu, vanana va liveleko la Abrahamu! Ni nanu vamwani mi thavako Txizimu! Dipswi diya da kuhanyisa di rumetwe kwathu.

Masalmo 65:5

Awe wa hi xamula, Txizimu, muhanyisi wathu, ngu mithumo yo xamalisa ya kululama; otshe mafu ma themba awe ni kotshe kuanama ka linene.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Mithumo 13:47

Nguko Mkoma a hi rumisile toneto, a txi khene: ‘Ni kuvekile kuva liwoningo ka vamatiko, kasi ku uva wo hanyisa kala magwito ka mafu.’ ”

Mithumo 2:28

Awe u ni ningile kuziva tinzila ta wutomi, u na ni khurisa ngu litsako masoni kwako.’ ”

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Masalmo 29:11

Mkoma wa ninga mtamo ngamu yakwe; Mkoma a katekisa ngamu yakwe ngu kudikha.

Vagalatiya 3:9

Ngu toneto, ava va kholwako va katekiswa kumweko ni Abrahamu, i ku dikholwa.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Zakariya 9:10

Se ni na hoxota sikotxikani sa Efrayime, ni mahantxhi a Jerusalema, ni kufunyeletela wulaho wa yimbi; se ene a na pfalisa kudikha matikoni; se kufuma kwakwe ku na nava, kukhukhela ka linene limwelo, kala ka limwani linene, ni kukhukhela ka mnambo kala magwito ka mafu.

Mika 5:4

Se ene a na zumba ni kudyisa vathu ngu mtamo wa Mkoma, ka ditina do tshura da Mkoma, Txizimu txakwe; se vona va na zumba, nguko konkuwa ngene a no kuliswa, kala magwito ka mafu.

Isaya 52:10

Mkoma a thavisile diwoko dakwe do sawuleka, ti txi wonwa ngu maso a matiko otshe; se otshe magwito a mafu, ma na wona kuhanyisa ka Txizimu txathu.

Isaya 43:6

Ni na khani ka Wuphemba: Naheta! Ni Wulambwe ku khani: U nga lambe! Wuyisani vanana vangu ngu kule, ni vanana vangu vamahorana, ngu magwito ka mafu,

Masalmo 98:3

A alakanyile lirando lakwe ni kuthembeka kwakwe ka vathu va ka Israyeli. Hambi vathu va va ku magemeta-mitshi ka ditiko va ku woni kuhanyisa ka Txizimu.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Masalmo 33:8

Ditiko dotshe di na thave Mkoma; vaaki va dotshe ditiko va na dhudhumele masoni kwakwe.

Vagalatiya 3:14

Atiya ti mahekile kufela ku kateko ya Abrahamu yi txi hokela vamatiko ngu Jesu Kristu, se ngu konaho nathu hi txi mana kuamukela ngu likholo wona Moya, i ku txihiwa txi txi nga thembiswa.

Levhi 26:4

sekoko ni na mi ninga mati a kuwa ngu mbimo ya kona; mafu ma na ninga timbewu ku txi pfuna, mindonga yi na ninga mihando yayingi.

Isaya 30:23

Sekoko a na nisa mati txitimwi ka mbweu yi u no phaya mafuni; kumweko ni dipawu dadiphya da mafuni; mafu ma na nona me pfuna; ka ditshiku dile, sifuyo sako si nadya ka makhalo o anama a wudyiselo.

Zakariya 8:12

Nguko mbewu yi na humelela, se m'vhinya wu na veka mihando ya wona, mafu ma na ninga sasiphya, nzuma yi na nisa hunguva ya yona; se ni na maha taku miboti ya vathu vava, yi mana yotshe thomba yiya.