Masalmo 67:4 - Bhiblia Yo Sawuleka

⁴ Mifumo yi na giye ngu litsako, nguko awe u fuma vathu ngu kululama kambe wa xayisa mifumo ya ditiko!

Masalmo 67:4 Referans Kwoze

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

Masalmo 9:8

A na lamula ditiko ngu kululama; e lamula mifumo ngu nzila ya ditshuri.

Masalmo 82:6

Ani ni wombile ni txi khani: Anu mi sizimu, kambe anu vamwani motshe mi vanana va Nyatxitimwi.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Isaya 55:4

Wonani taku ani ni m'vekile kuva fakazi ka vathu, kuva mthangeli ni mfumeli wa vathu.

Masalmo 96:10

Gelani vathu va dotshe ditiko mi txi khanu: “Mkoma wa mfumeli!” Ngu toneto, mafu ma tsani, kha ma na kudekadekiswa; ene a fuma vathu ngu nzila yo lulama.

Masalmo 2:8

Ni kombele ni na kuninga mifumo yi txi va i di thomba yako mafu otshe ma na lumba awe.

Dhewuteronome 32:43

Anu matiko tsakani ngutu, kumweko ni vathu va Txizimu, nguko Txizimu txa pharela mnoha wa sithumi sa txona; txa tsayisa valala va txona, txi pfela wusiwana mafu a txona ni vathu va txona!”

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Vagalatiya 4:27

nguko ti bhatwe va txi kha vona: “Tsaka, awe txifule, awe u ku si nga ni vanana; peka mkulungwani wa litsako, awe u si ziviko kulumwa ka kuveleka; nguko mbavangi ngutu vanana va wule a nga lekwa, kupinda va wule a ku ni mwamna.”

Mithumo 17:31

Nguko Txizimu txi vekile ditshiku di txi no lamula mafu ngu dona, ngu malamulelo o lulama, ngu m'thu wu txi nga ti sawulela ene, txi tsanisa mhaka yiya ka votshe ngu ku mu wusa ka vakufa.”

Isaya 54:1

Mkoma a khene: “Embelela ngu kutsaka, awe txifule, awe u nga mbi veleka! Pfalisa ngu kutsaka ngu ka wuembeleli wo tsakisa, se u kwangula, awe u nga mbi pfa kupanda ka kuveleka! Nguko mbangi vanana va wule a nga lekwa, kupinda va wule a ku wukati.”

Isaya 60:6

Mitxhambi yo tala ya makamelu yi na ku fenengeta, a kuta ngu Midhiyani ni Efa; yotshe yi nata ngu Sabha, ya nata ni nzalama ni dibaselo, ve nuwela wudhumo wa Mkoma.