Masalmo 67:1 - Bhiblia Yo Sawuleka

¹ Awe Txizimu, telwa ngu wumbilu ni nathu, u hi katekisa; maha ti to khohe yako yi txi hi woninga

Masalmo 67:1 Referans Kwoze

Masalmo 4:6

Vavangi va womba va txi kha vona: “I mani a no hi ninga makatekwa kani?” Mkoma hi woninge ngu liwoningo la khohe yako!

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Masalmo 4:1

Awe Txizimu, mlweli wa tifanelo tangu, ni xamule ni txi kudhana! Awe ngawe u nga ni hulukisa ka sikarato, telwa ngu wumbilu ngu ngani, u txi engisa mkombelo wangu.

Masalmo 119:135

Khohe yako yi na ni woninge ani txithumi txako; ni gondise milayo yako.

Masalmo 31:16

Wona ngu maso a wunene txithumi txiya txako; ni hulukise ngu lirando lako.

Masalmo 80:19

Mkoma, Txizimu txa Mabutho a Tiyimbi, tshumela u hi wuyisa, hi kombe liwoningo la khohe yako, kasi hi na hanya!

Masalmo 80:7

Awe Txizimu txa Mabutho a Tiyimbi; tshumela u hi wusa, hi kombe liwoningo la khohe yako, kasi hi na hanya!

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Masalmo 28:9

Mkoma, hulukisa ngamu yako, u txi katekisa vathu va va kulumbako; va xayise nga m'dyisi, u txi va vekisa kala kupinduka.

Dhewuteronome 21:8

Divalela, Mkoma, vathu vako va ka Israyeli, avale awe Mkoma u nga va tirula; u nga tumele ti to mnoha wo mbi na txionho, wu txi thekela txitimwi kwathu, athu vanana vako va ka Israyeli.” Sekoko mnohewo wu na divalelwa.

Masalmo 6:1

Mkoma, u nga ni kawuke u di henyile, kambe u nga ni tsayise, u di ni txiviti.

Masalmo 76:1

Txizimu txa ziwa ditikoni ka Judha; ditina da txona nda wudhumo ditikoni ka Israyeli.