Masalmo 66:4 - Bhiblia Yo Sawuleka

⁴ Ditiko dotshe da kukhozela di txi kudhumisa ngu tindando; votshe va embelela tindando ka ditina dako.”

Masalmo 66:4 Referans Kwoze

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Masalmo 117:1

Dhumisani Mkoma anu motshenu mifumo; m'dhumiseni anu motshenu vathu!

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Dhaniyeli 7:14

Se a to ningwa kufuma, ni wudhumo, ni mfumo, kasi ku votshe vathu, matiko, ni tidimi si mthumela; kufuma kwakwe ngu fuma ka kwa mbi gwita, kha ku na mbi pinda, kambe mfumo wakwe, ngu wona wokha wa kwa mbi khundumuswa.

Isaya 11:9

Kotshe mmangoni kwangu ko sawuleka, kha ku na mbi va ni kubiha hambi kuonhwa txilo, nguko mafu ma na tala ngu kuziva Mkoma kufana ni mati awa ma fenegetako linene.

Masalmo 65:5

Awe wa hi xamula, Txizimu, muhanyisi wathu, ngu mithumo yo xamalisa ya kululama; otshe mafu ma themba awe ni kotshe kuanama ka linene.