Masalmo 66:2 - Bhiblia Yo Sawuleka

² Embelelani wundhumo wa ditina da Txizimu; ningani wudhumo ka wundhundo wa Txizimu.

Masalmo 66:2 Referans Kwoze

Mtuletelo 5:13

Ni ka sotshe sivangwa si si ku nzumani ni ha mafuni ni hahatshi ka mafu ni lineneni ni sotshe si si kuho ani ni si engisile si txi womba, si txi kha sona: “Ka wule a nga khalahatsha txitimwi ka Txikhalo txa Wukoma ni ka Txinvutana, ku na ningwe kubonga, txithavo, wudhumo ni mtamo kala kupinduka.”

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Isaya 42:12

Ningani wudhundo ka Mkoma, mi zivisa wudhumo wakwe mu ka sitondolo.

Masalmo 107:22

Phaxani timhamba ta kubonga mi txi huwelela mithumo yakwe ngu litsako.

Nehemiya 9:5

Sekoko Valevhi, ni Jesuwa, ni Kadhimiyeli, ni Bhani, ni Hasabhineya, ni Serebhiya, ni Hodhiya, ni Sebhaniya, ni Petaya va to kha vona: Khukhani mi dhumisa Mkoma, Txizimu txanu, yotshe mbimo! Mahani mkombelo, mi dhumisa ditina da wudhumo wakwe, di di ku txitimwi ka sotshe si si katekiswako ni kudhumiswa.

Masalmo 107:15

Bongani Mkoma, ngu mhaka ya lirando lakwe ni sidiwukiso sakwe a mahelako vathu!

Masalmo 106:2

I mani a sikotako kuxawutela mithumo ya hombe ya Mkoma? I mani a sikotako kupfalisa wotshe wudhumo wakwe kani?

Masalmo 79:9

Hi lwele, Txizimu, Muhanyisi wathu; hi ponise u txi hi divalela, ngu mhaka ya wudhumo wa ditina dako do Sawuleka!

Masalmo 72:18

Txi na dhumiswe Txizimu, Mkoma i ku Txizimu txa ka Israyeli, txona txokha txi mahako sidiwukiso.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Masalmo 68:33

Ka wule tsimbilatsimbilako a di gadhile tinzuma ta tinzuma, kukhukhela kaleko! Wona taku wa rumela dipswi dakwe ni kuninga kudhinda ko thisa ngutu.