Masalmo 64:9 - Bhiblia Yo Sawuleka

⁹ Votshe va na thava, se va na xawuta mtamo wa Txizimu va txi pimisa ati txona txi nga ti maha.

Masalmo 64:9 Referans Kwoze

Jeremiya 51:10

Mkoma a wonekisile ha kubasani wululami wathu kwathu, ngonani hi ta xawutela ka Siyoni, mthumo wa Mkoma, Txizimu txathu.

Jeremiya 50:28

Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.

Masalmo 40:3

Mkoma a ni ningile kuthula ndando ya yiphya, m'zeno wa kudhumisa Txizimu txathu. Vavangi, ngako va txi ti wona tiya, va na xamala, kambe va na themba Mkoma.

Hoseya 14:9

I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Masalmo 58:11

Se vathu va na womba va txi kha vona: “Kha dikhuri mlulami ana ni hakhelo! Ngu ditshuri txi ho Txizimu txi txi lamulako ha mafuni!”

Mtuletelo 11:13

Ka txona txile txikhati ku to humelela kutsekatseka ka hombe ka mafu: Didhawa da wugumi da didhoropa di to khundumuka, se ve fa 7.000 wa vavamna. Ava va nga huluka va to tala ngu kuthava, ve dhumisa Txizimu txa nzumani.

Ezekhiyele 14:23

Se mi na thavelelwa, mbimo yile mi no wona tinzila tawe ni simaho sawe; se mi na tiziva taku kha na ti maha walo totshe ti ni nga maha ka dona, kuwomba Mkoma Txizimu.

Masalmo 119:20

Moya wangu wa karateka yotshe mbimo, ngu kulava kuziva mithetho yako.

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Masalmo 59:13

Va daye, va fuvise kuhenyani kwako, kasi ku va si swi ve hanya! Va na ti zive tito, Txizimu txa fuma ka va ka Israyeli, ni ti to txona txa fuma, ka dotshe ditiko!

Masalmo 140:10

Makala a mndilo ma nawe txitimwi kwawe, va na rinzwe mndiloni, ka maphalani o tshima, kasi ku va siswi ve wuka kambe.