Masalmo 64:7 - Bhiblia Yo Sawuleka

⁷ Aniko Txizimu txi na khwinza tingove ta txona ha mimidini kwawe se ngu txidhukisa txi na va fula;

Masalmo 64:7 Referans Kwoze

Mavingu 6:15

Ngu kumaha keto, kukhundumuswa kwakwe ku nata ngu txidhukisa; a na funyeletelwa ngu txikavikavi, ku si maneki ni kukalamuka.

Masalmo 18:14

A to khwinza tingove takwe ta miseve a txi hangalasa valala, a to dhindisa singwalangwanda, a txi va tutumisa.

Isaya 30:13

Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Masalmo 73:19

Ngu txidhukisa va na fuviswa! Votshe va na guma ngu kuthava!

Jobe 6:4

Nguko na fulwa ngu tingove ta wule wa Mtamo-wotshe, se moya wangu wa setwa wuxungu wa tona wo hisa; ni kuhenya ka Txizimu ka ni xomela matxhari.

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.

Dhewuteronome 32:23

Ni na rumela makhombo txitimwi kwawe; ni na heta tingove tangu ngu ku va fuletela!

Matewu 24:40

“Ka yoneyo mbimo, ku na maneka vavamna vambidi thembweni: Mmweyo a na tekwa, mmwani e lekwa.

1 Vafumeli 22:34

Sekoko wamwamna wokari a to khwinza lingove ngu wulaho, e fula mfumeli wa ka Israyeli ngu ha ka diphosongo da masoni ka libhande ni ka didhowo; sekoko a to gela mthangeli wa txikotxikani txakwe a txi khene: Ni thavise hagari ka dibutho ngu dianza dako, nguko ni dayisilwe ngutu.

Masalmo 64:4

Va baramela m'thu wo va a si nga ni mnandu, va txi m'hophosa ngu txidhukisa va si kanakani.

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?