Masalmo 63:1 - Bhiblia Yo Sawuleka

¹ Txizimu, awe u Txizimu txangu! Na kulava ni si karali! Moya wangu wu na ni ditora ngu ngawe; wotshe mmidi wangu wa kunavela, ku nga mafu a ligwangwa, o oma ma ku si nga ni mati.

Masalmo 63:1 Referans Kwoze

Masalmo 143:6

Na guleta manza angu kwako, ni khongela; Kufana ni mafu a kuoma, moya wangu wa pfa ditora ngu ngawe.

Masalmo 84:2

Moya wangu wa navela ni kuxuva siluvelo sa Mkoma; yotshe mbilu yangu ya embelela ngu kutsaka ka Txizimu txi txi hanyako!

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Masalmo 91:2

Ni na khani: Mkoma Ngene Txizimu txangu, mbuthavelo wangu, mkhokhola wangu, ni na themba kwakwe!

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Isaya 41:18

Ni na tula minambo ka makhalo o guleka ni sisima hagari ka mikova; txiwula txi na hunduka txi maha maziva a mati, ni mafu a kuoma ma na humisa sisima sa mati.

Johani 7:37

Ka ditshiku do gwitisa da M'buso, i ku ditshiku da hombe, Jesu a to khukha a txi ema, a txi gula dipswi a txi khene: “Ngako m'thu wokari a ti ni ditora, anate kwangu e ta sela.

Masalmo 118:28

Awe u Txizimu txangu, se ani na ku bonga; awe u Txizimu txangu, ani ni na huwelela wuhombe wako.

Mavingu 8:17

Ani ni randa vale va ni randako, ni vale va ni lavako ni mabimbi-kutxa, va ni mana.

Masalmo 143:10

Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Masalmo 78:34

Ngu kuwona vava Txizimu txi nga va tsayisa ngu lifo, vamwani va ti txi lava txona Txizimu; va ti tshumelela ka txona, va txi txi lava va si karali.

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 31:14

Aniko themba yangu yi kwako, Mkoma; se ani ni huwelela ti to awe u Txizimu txangu!

Jobe 8:5

Aniko ngako ngu mabimbi-kutxa u txi xota Txizimu, ni kukombela wumbilu ka wu wa Mtamo-wotshe,

1 Samuwele 22:5

Kambe mprofeti Gadhi a to khene ka Dhavhidha: U nga zumbe mkhokholani; khukha u ya ditikoni da ka Judha. Sekoko Dhavhidha a to khukha eya wulela txitingani ka Herete.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

Isaya 35:7

Se mafu a kuoma ma na hinduka me maha sisima, ni mafu a ditora ma nava sisima sa mati; se mazumboni ka maxolwa ku na mila mwasi, ni titshava, ni tiwungu.

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Masalmo 119:81

Moya wangu wa navela ngutu kuhanyiswa ngu ngawe; nguko ani ni themba dipswi dako!

Matewu 12:43

“Ngako moya wa nzambwa wu txi huma ngu ka m'thu, wu tutumela txiwulani kuya lava wukhalo wo humula, aniko kha wu wu mani.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Ndando ya Tindando 5:8

Anu mahorana a Jerusalema, na mi kombela, ti taku ngako mi txi mana txirandwa txangu, txi geleni ti taku nafa ngu lirando.

2 Samuwele 15:28

Wonani ta ku ani na zumba tithembweni ta txiwulani kala kuza ni mana thenga yanu.

1 Makronika 16:14

Ene Mkoma, Txizimu txathu; kululama kwakwe ku ka otshe mafu.