Masalmo 61:4 - Bhiblia Yo Sawuleka

⁴ Ni lava kuhanyela nyumbani kwako, yotshe mbimo, ni vhikelwa hahatshi ka mabhapi ako.

Masalmo 61:4 Referans Kwoze

Masalmo 27:4

Tximaha tximwetxo ni kombelako ka Mkoma, tximaha tximwetxo ni txi navelako; ni navela kuzumba Nyumbani ka Mkoma otshe masiku a kuhanya kwangu, ti to ni txi pfa lirando la Mkoma ni mkhozela Nyumbani kwakwe.

Masalmo 23:6

Kha ditshuri, wunene wako ni lirando lako si na va ni nani ka otshe masiku a kuhanya kwangu. Ni na zumba nyumbani ka, Mkoma, kala kupinduka.

Masalmo 17:8

Ni xayise kufana ni ndololo ya diso dako; ni sise mtsudini ka mabhapi ako,

Masalmo 91:4

Mkoma a na kufenengeta ngu mitenga yakwe, hahatshi ka tibhapi takwe u na maneka u di tsani; ditshuri dakwe njitxhavangu ni txitsaniso!

Masalmo 63:7

nguko awe u m'vhuneteli wangu. Ni na embelela ngu kutsaka ni di hahatshi ka mabhapi ako!

Masalmo 57:1

Telwa ngu wumbilu ni nani, awe Txizimu, telwa ngu wumbilu, nguko moya wangu wu themba awe. Ni lava kusisala hahatshi ka mabhapi ako, kala phango yi txi pinda.

Masalmo 15:1

Mkoma, i mani a no zumba Dithepeleni kwako ko sawuleka kani? I mani a no zumba ka mmango wako wo sawuleka kani?

Matewu 23:37

“Jerusalema! Jerusalema! U dayako vaprofeti, u txi balisela ngu marigwi ava va rumelwako kwako! Nzi khati singani ni nga navela kusengeleta vanana vako nga kule ka khukhu yi fundamelako sisondwana sa yona ngu mabhapi, se awe u txi lamba!

Masalmo 62:7

Kuhanyiswa kwangu ni wudhumo wangu si ka Txizimu; txona m'vhikeli wangu ni wuthavelo wangu.

Rute 2:12

Mkoma a na hakele mithumo yako, u txi amukela hakhelo yako ka Mkoma, Txizimu txa Israyeli, atxile u nga thavela mabhapini ka txona.”

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Masalmo 91:1

Awule a zumbako kusisalani ka Nyatxitimwi a na humula mtsudini ka Nyamitamo,

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Masalmo 92:13

Kufana ni mindonga yi yi nga phaywa m'tini ka Mkoma, ene a na kula ha mthandani ka Txizimu txathu.

Masalmo 90:1

Mkoma, awe u wuthavelo wathu ka liveleko ni liveleko.

Masalmo 61:7

Ene a na va masoni ka Txizimu kala kupinduka. Lirando lako ni kululama si na mxayise.

Mavingu 18:10

Ditina da Mkoma dinera do tsana, mlulami a na tutumela ka dona, eya ti khongelela a di txitimwi.