Masalmo 61:2 - Bhiblia Yo Sawuleka

² Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Masalmo 61:2 Referans Kwoze

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Masalmo 62:6

Txizimu ngu txona dwe i ku dirigwi dangu ni m'hanyisi wangu; ngu txona i ku m'vhikeli wangu; kha ni na mbi dekadekiswa.

Masalmo 77:3

Ngako ni txi alakanya Txizimu, na dila; ngako ni txi pimisela na guma mtamo.

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Masalmo 18:46

Hanya Mkoma! A na dhumiswe mlweli wangu! Txi na kuliswe Txizimu, Muhanyisi wangu!

Dhewuteronome 4:29

Sekoko kukhukhela koneyo, u na lava Mkoma, Txizimu txako, se u na ya mmana, ngako u txi mlava, ngu yotshe mbilu yako ni wotshe moya wako.

Masalmo 27:5

Ngako ma txi ni hokela masiku a kubiha, Moma a na ni lwela; ene wa ni sisa nyumbani kwakwe; a na ni hulukisa ngu ku ni veka txitimwi ka dirigwi.

Masalmo 142:3

“Ngako moya wangu wu txi guma mtamo, awe Mkoma, wa yi ziva nzila yi ni fanelako kuteka yona. Ka nzila yi ni nga txi tsimbila ngu yona, va ni riyete ngu mlawu.

Masalmo 40:2

A ni humisile diphalani ko thisa, ka ndope yi yi dayako; a ni emisile txitimwi ka dirigwi, a txi ni basisela tinzila.

Isaya 54:11

Awe u xaniswako, u tsayiswa ngu sihuhuri, u si thaveleleki! Wona taku ani ni na veka marigwi ako, ni sotshe sitshuriselo, kambe ni na kutsanisa txitimwi ka masafira.

Masalmo 55:5

Dizowa ni kudhudhumela si ni kamile ngutu; ni fenengetilwe ngu txidema.

Masalmo 143:4

Se moya wangu wa xomuleka mndani kwangu; ni mbilu yangu ya xaniseka khanani kwangu.

Masalmo 43:5

Moya wangu, u thelwa dikhodho ngu txani, u txi thidhela kani? Themba Txizimu, ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:6

Moya wangu wa thidhela, Txizimu txangu! Ngu toneto, ni zumba ni txi kualakanya, kukhukhela matikoni ka Jordhani ni mimangoni ka Hermoni ni Misari.

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Masalmo 17:1

Engisa, Mkoma, kululama ka mhaka yangu, engisa huwa yangu! Engisa mkombelo wangu, wu huma txisofuni kwangu ko mbi xengetela.