Masalmo 60:5 - Bhiblia Yo Sawuleka

⁵ Ni ti to ve poniswa avale u va randako. Hi xamule, u txi hi hanyisa ngu diwoko dako da txinene!

Masalmo 60:5 Referans Kwoze

Masalmo 17:7

Komba kuxamalisa ka lirando lako, awe u hulukisako vale va thavelako mtamoni kwako.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Masalmo 18:35

Mkoma, awe wa ni ninga txitxhavangu txako txa ku ni vhikela, wa ni setela ngu dianza dako da txinene ni wunene wako wu ni ningile kuzumbiseka.

Eksodha 15:6

Dianza dako da txinene, awe Mkoma, da ti pfalisa, kambe nda mtamo; da phatulela valala;

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Masalmo 74:11

Ngu kutxani u txi sisa dianza dako da mtamo kani? Ngu kutxani u txi khutarela mawoko ako kani?

Masalmo 60:12

Ngu kuvhunwa ngu Txizimu hi na mana kuxula; nguko ngu txona txi no ganyatela valala vathu.

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Jeremiya 11:15

Txirandwa txangu txi maha txani nyumbani kwangu aku txi nga maha manyala o tala kani? Sifungo ni nyama yi nga basiswa si nga thavisa kubiha kwako kani? Ngako u txi maha to biha ngu kona u tsakako!

Masalmo 127:2

Kha ti mi vhuni txilo kuphindula ni mixo ngutu, mi txi pila mi txi thuma kala hagari ka wusiku, kufela kudya mihando ya mnyuko wanu, na kasi Txizimu, ka vale txi va randako, txa va ninga soneso, hambi va di otete.

Masalmo 22:8

“A thembile Mkoma, se ene a na m'hulukise; a na m'hanyise, ngako a mrandako.”

Masalmo 20:6

Se na tiziva ti to Mkoma a na ninga kuxula ka mfumeli wu a nga msawula; ene wa mu angula a di nzumani kwakwe ko sawuleka, a txi mninga kuxula valala ngu mtamo wakwe.

Dhewuteronome 33:12

Ngu didhawa da Bhenjamini, a ti khene: “Ene njirandwa txa Mkoma, a na humula ngu kuthutha hafuhi kwakwe, Nyatxitimwi a na mfenengeta kala kupinduka, e zumba makatani kwakwe.”

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

Masalmo 71:20

Awe u nga ni maha ni wona wubihi wawungi ni sixaniso, u na ni ninga kambe wutomi u na ni humisa diphalani ko hokoma ka mafu.

Masalmo 75:9

Aniko, ani, ni na dhumisa Txizimu kala kupinduka; ni na embelela ni dhumisa Txizimu txa Jakobe.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.