Masalmo 60:4 - Bhiblia Yo Sawuleka

⁴ Se konkuwa ninga txikombiso ka vathu vako vo thembeka, kasiku ve sikota kuthava tingove.

Masalmo 60:4 Referans Kwoze

Masalmo 20:5

Hi na peka mikulungwani, hi txi tsakela kuxula kwako ngu ditina da Txizimu hi na gwimba mijeke. Mkoma a na ku ninge sotshe si u si navelako.

Isaya 11:12

Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”

Isaya 13:2

Gwimbani m'jeke txitimwi ka mmango wa kwa mbi na txilo; va dhaneni ngu dipswi do guleka, mi va dyoweta ngu dianza, kasi kuva txi wulela ngu sike sa vathangeli.

Isaya 5:26

A na guleta m'jeke wo dhana matiko a kule, a na va vetela mloti, ti to ve khukha magwito ka mafu, se vona va nata ngu kukuluveta.

Ndando ya Tindando 2:4

A ni yisile muhubheni ka m'buso wa hombe, m'jeke wakwe txitimwi kwangu, lirando.

Isaya 49:22

Mkoma a womba tiya: Wonani taku, ni na guleta dianza ka matiko, ni na gwimbela m'jeke wangu vathu; sekoko va na tisa vanana vako mawokoni, ni vanana vako vamahorana va na va pakata hamakata.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Masalmo 45:4

Kupfalisekani kwako, gadha dihantxhi dako u ya lwela ditshuri, u txi lwela txisiwana ni wo lulama mtamo wako wupune wu na kukomba sidiwukiso si u fanelako ku si maha.