Masalmo 60:2 - Bhiblia Yo Sawuleka

² U dekadekisile mafu u txi ma bhandisela; tsivetela tufa ta ona, nguko ma khungumuka!

Masalmo 60:2 Referans Kwoze

2 Makronika 7:14

Ngako vathu vangu, avale va dhanwako ngu ditina dangu, va txi ti sola, ve khongela, ve leka tinzila tawe to biha, ani ni na va engisa ni di nzumani, ni va divalela sionho sawe, ni holisa ditiko dawe.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Jeremiya 48:38

Txitimwi ka totshe tinyumba ta Mowabhi ni mu ka tinzila takwe ta hombe ku na vaho tihuwa ta hombe; nguko ni fayile Mowabhi nga fuko ya kwa mbi tsakisa, kuwomba Mkoma.

Jeremiya 10:10

Aniko Mkoma Txizimu txa ditshuri, Txizimu txi txi hanyako, Mfumeli wa kupindukela; mafu ma dhudhumela kuhenyani kwakwe, matiko kha ma na kuema masoni ka txiviti txakwe.

Jeremiya 4:24

Ni to wona mimango, ti woneka to yi txo dhudhumela; ni simangwana sotshe si txi dekandeka.

Isaya 5:25

Ngu kumaha keto, kuhenya ka Mkoma, kuturile txitimwi ka vathu vakwe, se a nawulutile dianza dakwe, e va daya; mimango yi to zinginika, sirumbi sawe si hangalaka, ku nga nzokoro hagari ka tinzila; hambi keto, kuhenya kwakwe ku toya masoni, ni dianza dakwe di ngadi nawulukile.

Masalmo 18:7

Sekoko mafu ma to zinginika, ma txi dekadeka, makhato a mimango ma to dhudhumela: Ma dhudhumete ngu kuhenya ka Txizimu.

Matewu 27:51

Se ti di mahile eto, nguwo ya Dithepele yi to vharuka ngu hagari, kukhukhela txitimwi kala hahatshi; mafu ma txi zinginikela, marigwi ma txi fayekela.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Amosi 8:8

Ditiko di na mbi zinginika ngu kona ha ka tiya kani? Kha va na mbi dila votshe va va hanyako ka dona kani? Kha ditshuri dotshe ditiko di na guleka ku nga mnambo wa hombe, di na ginyalatwa, di na nyuvela ku nga mnambo wa Egipta.

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Masalmo 114:7

Awe mafu, dhudhumela masoni ka Mkoma, masoni ka Txizimu txa Jakobe,

Jobe 9:6

atxile txi thavisako mafu ka wukhalo wa ona, se tiphande ta ona ti txi zinginika;

Isaya 7:8

Nguko m'zinda ka Siriya ngu Dhamasku, ni msungo wa Dhamasku i Rezimi; se mndani ka mtxhanu wa magumi ni dimwedo, ni mtxhanu wa malembe, Efrayime a na xaselwa, e leka kuva ni vathu.

Masalmo 104:32

Mafu ma dhudhumela, ngako Mkoma a txi ma wonetela; mimango ya tuvika wutshi, ngako ene a txi yi gwesa.

Masalmo 89:40

U khundumusile otshe maguma a didhoropa; u mahile marumbi mikhokhola ya kona.

Jobe 5:18

Nguko txa veka tivandwa, kambe txipune txa sungelela silonda; txa dayisa, aniko manza a txona ma kalamukisa.

Sidilo 2:13

Awe Jerusalema, ni kuninga wufakazi wa txani kani? Ni nga kudinganisa ni mani awe mwanana wa dihorana wa Jerusalema kani? Ni nga kufananisa ni mani kasi ku kuthavelela awe wotuma wa Siyoni kani? Nguko txilonda txako nja hombe nga linene; i mani a no kukalamukisa kani?

2 Samuwele 22:8

Sekoko mafu ma to zinginika me bandeka, makhato a nzuma ma to zinginika me bandeka, nguko ene a henyile.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

2 Samuwele 8:1

Ku to maheka taku, msana keto, Dhavhidha e lwa ni Vafilista e va xula; se Dhavhidha a to teka didhoropa da Metege-Ama manzani ka Vafilista.

1 Makronika 18:3

Kambe Dhavhidha a to xasela Hadhadhezeri, mfumeli wa Zobha, hafuhi ni Hamati, nga kule a nga ti yite kuya tsanisa mfumo wakwe, mnamboni wa Ewufrate.

1 Makronika 18:5

Se Vasiriya va to ta ngu Dhamasku, ku ta vhuna Hadhadhezeri, mfumeli wa Zobha; kambe Dhavhidha a to daya 22.000 wa vavamna va Vasiriya.

1 Makronika 18:12

Kambe Abhixayi, mwana Zeruiya, a to daya 18.000 wa va ka Edhomi, mkovani ka Mnyu.