Biblia Todo Logo
Bib sou entènèt

- Piblisite -




Masalmo 60:1 - Bhiblia Yo Sawuleka

1 Txizimu, u hi tshuralete, u hi lekile hi hangalaka; hambiko u nga henya, tshumela u hi wusa.

Gade chapit la Kopi




Masalmo 60:1
36 Referans Kwoze  

Kambe Dhavhidha a to xula Hadhadhezeri, mwana Reyobhe, mfumeli wa Zobha, mbimo yile ene a nga ya wusa mfumo wakwe hafuhi ni mnambo wa Ewufrate.


Kambe konkuwa, u hi lekile, u hi thete tingana; se khuswi u txi pangalata mabutho athu a tiyimbi.


Kambe Dhavhidha a to xasela Hadhadhezeri, mfumeli wa Zobha, hafuhi ni Hamati, nga kule a nga ti yite kuya tsanisa mfumo wakwe, mnamboni wa Ewufrate.


Sekoko Dhavhidha a to tsula Bhahali-Perazimi, eya va dayela koneyo, Dhavhidha a txi khene: Mkoma a hangalasile valala vangu masoni kwangu, ku nga wule a hangalasako mati. Ngu kumaha keto, wukhalo wule a to wu dhana ku i Bhahali-Perazimi.


Wuya kwathu, Mkoma! U na henya kala mbimo muni? Telwa ngu wumbilu ngu vathu vako!


Hi wuyise kwako, Txizimu, muhanyisi wathu; u txi leka ku hi henyela!


Amaziya a to daya 10.000 wa va ka Edhomi mkovani ka Mnyu, se e honyola didhoropa da Sela yimbini; a to di raya ditina daku i Jokiteli, kala ka ditshiku da nyamsi.


Kale u wombawombile ngu siwoniso ka sithumi sako so thembeka u txi khawe: “Ni ningile mtamo dizambi da ndena; ni fumisile dijaha, ni ngadi sawula hagari ka vathu vangu.”


Awe u ti khawe: “Ni mahile txitumelelano ni msawuleki wangu, ni thembisile ka txithumi txangu Dhavhidha:


Awe Txizimu, tshumela u hi wusa, hi kombe liwoningo la khohe yako, kasi hi na hanya!


Mkoma, u na hi henyela kala mbimo muni kani? Txiluse txako txi na fana ni mndilo wo tura kani?


Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?


Ina hi nga awe, Txizimu, u nga ti hi lekile, kani? U to hi rethetela kule, u si swi u pangalata mabutho athu a tiyimbi, kani?


Mkoma, u nga va daye, kasiku vathu vangu va si divali; va hangalase u txi va xowokisa ngu mtamo wako. Mkoma, awe u m'vhikeli wathu!


Txizimu txangu, ni hulukise ka valala vangu; ni vhikele ka vale va ni wukelako.


Amaziya a to tsana msana e thangela vathu vakwe, veya mkovani ka Mnyu; veya xasela 10.000 wa vanana va ka Seyiri.


Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.


Sekoko Samuwele a to khene: U mahile txani kani? Sawule a to khene: Ni di woni ti to vathu va khata ku hangalakela, ni ti to awe khu bwaki mndani ka masiku ale hi nga langana, ni ku Vafilista va sengeletani kona Mikimaxi,


Sekoko awule a nga ti tisa mahungu a to xamula, a txi khene: Va ka Israyeli va tutumile masoni ka Vafilista, kambe ku manekile mhaka yo nemela ngutu hagari ka vathu; hahanze keto, hambi vanana vako vavambidi, i ku Hofini ni Finiyasi va fite, ni dibhokiso da Txizimu di tekilwe.


Ina awe, Txizimu, u to hi leka kani? Ina khu na mbiswa u pangalata mabutho athu a tiyimbi, kani?


Hi lwele, Txizimu, Muhanyisi wathu; hi ponise u txi hi divalela, ngu mhaka ya wudhumo wa ditina dako do Sawuleka!


Se Hadhadhezeri a to rumela vathu kuya dhana Vasiriya, vale va nga ti ti mtxhatuko ka mnambo, kambe vona va to ta Helami; se Sobhaki mthangeli wa dibutho da yimbi da Hadhadhezeri, a ti thangete masoni kwawe.


Se ni na tsanisa nyumba ya ka Judha, ni hanyisa nyumba ya Josefa, ni na tshumela ni va phaya, nguko ni va pfete wusiwana; se va na nga kha ni khali ku va lamba; nguko ani ngani Mkoma, Txizimu txawe, kambe ni na va engisa.


Hambi keto, awe Mkoma, u henyete msawulwa wako; u karate ngu ngene u txi mtsukula.


Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.


Se a to veka vawoneleli kona Edhomi, ka dotshe ditiko da Edhomi a to veka vawoneleli, se votshe va ka Edhomi va to maha sithumi sa Dhavhidha; se Mkoma a to vhunetela Dhavhidha kotshe mu a nga ti ti ya kona.


Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!


Swiv nou:

Piblisite


Piblisite