Masalmo 6:8 - Bhiblia Yo Sawuleka

⁸ Khukhani kwangu motshenu mi mahetelako kubiha, nguko Mkoma a engisile dipswi da kudila kwangu.

Masalmo 6:8 Referans Kwoze

Luka 13:27

Ene a na mi xamula a txi khene: ‘Na mi gela ku khani kha ni mi zivi ti to mi ta ngu hani. Tsulani kule ni nani, anu mi mahako mithumo yo biha.’

Masalmo 145:18

Mkoma a hafuhi ka votshe vale va m'dhanako; ka votshe vale va m'dhanako ngu ditshuri.

Masalmo 119:115

Tsulani kule anu vabihi, kasi ni na xayisa sirumo sa Txizimu txangu!

Matewu 7:23

Konaho, ani ni nata va gela ha kubasani ni txi khani: ‘Txima kha na mi ziva; hambukani kule ni nani, anu vamahi va sionho.’ ”

Masalmo 3:4

Ngu dipswi do guleka na peka huwa kwakwe Mkoma, se ene wa ni angula a di mmangoni kwakwe ko sawuleka.

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Masalmo 139:19

Txizimu, fuvisa avale va mahako kubiha, anu sigevenga, hambukani mi tsula kule ni nani.

Isaya 30:19

Nguko vathu va na zumba Siyoni, kona Jerusalema; khu na mbi dila kambe; ngu ditshuri a na kupfela wusiwana, ka dipswi da kudila kwako; se a txi dipfa, a na kuxamula.

Masalmo 116:8

Ene a ni ponisile ka lifo; a bahulete mirongo yangu, kha ni leka ni txi wa.

Isaya 38:5

Tsula u ya gela Ezekhiya, u txi khawe: Mkoma, Txizimu txa Dhavhidha, tate wako, a khene: Ni engisile mkombelo wako, ni woni mirongo yako; wona taku ni na engetela masiku ako, digumi da malembe ni mtxhanu.

Isaya 38:3

A txi khene: Awe Mkoma, alakanya, na ku kombela, ti to ni tsimbite ditshurini masoni kwako, ngu kuthembeka, kambe ni mahile to lulama masoni kwako. Se a to dila ngutu Ezekhiya.

Masalmo 56:8

Awe wa tiziva ti ni nga xanisekisa tona, u sengeletile mirongo yangu amu ka txiya, ina totsheto khwa bhala dibhukuni kwako, kani?

Jobe 17:7

Ngu kumaha keto, maso angu se ma phumile ngu kupanda, kambe sotshe siro sangu se si fana ni mtsudi;

Masalmo 31:10

Ni hanya wutomi wangu ngu kuxaniseka, malembe a wutomi wangu ma pinda ni di kuxuphekani. Kupandiseka ka heta mitamo yangu; mmidi wangu wa goma.

Sidilo 3:56

U engisile dipswi dangu! U nga tsive nzeve yako kudilani kwangu, ni ka huwa yangu!