Masalmo 6:3 - Bhiblia Yo Sawuleka

³ Ni wona moya wangu, Mkoma, wa dhudhumela. Ni na kurinzela kala ditshiku muni, kani?

Masalmo 6:3 Referans Kwoze

Masalmo 90:13

Wuya kwathu, Mkoma! U na henya kala mbimo muni? Telwa ngu wumbilu ngu vathu vako!

Johani 12:27

“Se konkuwa, moya wangu wa pandiseka. Aniko, ni na womba txani? Ina ni na khani: Tata, ni hulukise ka txikhati txiya kani? Aniko ngu txona txiya txikhati ni nga tela txona.

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Matewu 26:38

Sekoko a to va gela a txi khene: “Moya wangu wu ha kuxanisekani ka hombe ka kufa; zumbani hawa mi txi wonelela ni nani.”

Mavingu 18:14

Kutsaka ka mbilu ya m'thu, ku na kalamukisa malwati akwe, aniko i mani a nga wusako mbilu yo pandiseka kani?

Masalmo 77:7

“Mkoma a nga va a txi hi tsukula do gwita kani? Kha na mbiswa e hi themba kambe kani?

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:5

Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 38:8

Ni rerekile, ni wite hahatshi ngutu; ni keta ngu mhaka ya kuxaniseka ka mbilu yangu!

Masalmo 22:14

Ni fana ni mati ma thekelako; otshe marambu angu ma nguda-nguda. Mbilu yangu yi fana ni phula, ayi yi nyivilikako mndani kwangu.

Masalmo 9:14

kasi ni na sikota kuembelela wudhumo wako ni di Siyoni ni txi tsaka ngu kuwa u nga ni hulukisa.

Jeremiya 17:14

Ni thume Mkoma, ni na va ni di kalamukile, ni hanyise, ni na va ni di hanyisilwe. Nguko ngawe wudhumo wangu.