Masalmo 6:10 - Bhiblia Yo Sawuleka

¹⁰ Votshe valala vangu va na wiswe tingana ni kudhukiswa, va na tshumelele msana, ve khawuliswa, ngu kukuluveta.

Masalmo 6:10 Referans Kwoze

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Jeremiya 20:11

Aniko Mkoma a kumweko ni nani nga ndena yi thavisekako; va xanisi vangu va na humbwa, va si ni xuli; aniko va na so koyo tingana, nguko kha va maha ngu wutxhari; ti nava tingana ta kwa mbi guma, ti singako ni kudivalwa.

Masalmo 86:17

Ni mahele txikombiso txa wunene wako, kasiku valala vangu ve txi wona, ve thelwa tingana, ngako va txi wona ti to awe, Mkoma, wa ni vhuna ni ku ni tsanisa!

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Masalmo 132:18

Ni na thela pfilu-pfilu ka valala vakwe; aniko kwakwe m'bhoti wakwe wu na kuphatima.”

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.

Masalmo 73:19

Ngu txidhukisa va na fuviswa! Votshe va na guma ngu kuthava!

Masalmo 71:24

Dotshe ditshiku lidimi langu li na xawuta kululama kwako, nguko va xowokile ve tala ngu tingana vale va nga txi lava ti to ni welwa ngu dikhombo.

Masalmo 71:13

Va na kanganyiseke va txi haxulelwa avale va zamako ku ni daya! Va na xowokiswe ve wiswa tingana avale va ni navelelako dikhombo!

Masalmo 35:26

Va na vhilinganyiswe ve thelwa tingana votshe vale va tsakako ngu kuxupheka kwangu; va na tale ngu kuxowoka ni tingana votshe vale va ti guletako va txi ni wukela.

Masalmo 25:3

Ngu ditshuri, avale va themako awe, kha va na mbi wiswa tingana. Va na wiswa tingana avale va ku wukelako na ku si nga ni txigelo.

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Masalmo 5:10

Awe Txizimu va rweke mnandu wawe! Va leke va txi loviswa ngu makungo awe. Va tutumise ngu mhaka ya mtalo wa sionho sawe, nguko va terekile va txi kuwukela.

Masalmo 2:5

Sekoko a womba-womba navo a di henyile a txi va ninga kuthava ngu kuhenya kwakwe, a txi khene:

Jobe 6:29

Tshumelani koko, ku nga veho kubiha; ina, wuyani, nguko mhaka yangu yi lulamile.

2 Vafumeli 20:5

Tshumela u txi ya khawe ka Ezekhiya, mthangeli wa vathu vangu: Mkoma, Txizimu txa tate wako Dhavhidha, a womba tiya: Ni engisile mkombelo wako, ni woni mirongo yako; sekoko ni na kukalamukisa; ka ditshiku da wuraru, u na kwela Nyumbani ka Mkoma.

Masalmo 55:20

Va guleta manza awe ve wukela vale va nga ti ni kudikha navo; ve bhenula txitumelelano txawe.