Masalmo 59:3 - Bhiblia Yo Sawuleka

³ nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.

Masalmo 59:3 Referans Kwoze

Masalmo 56:6

Va ramba sikungo, va txi ni baramela, va txi wonisisa makando angu, na va txi rinzela mbimo ya ku ni daya. Ina vathu vo bihisa tiya va nga huluka kani?

Masalmo 69:4

Mbavangi vale va ni bavelako na va si nga ni ditshuri kupinda misisi ya ha msungo kwangu; mbavangi ngutu valala vangu avale va hembako ngutu ngu ngani. Se ni na tshumeta asile ni nga mbi pa kani?

1 Samuwele 24:11

Wona koko, tata wangu, wona diye tshoka ya txyambalo txako manzani kwangu; nguko ani ni to wila tshoka ya txyambalo, kambe kha na kudaya. Wona koko, u tiziva ti to kha ku na wulala ni wubihi manzani kwangu, ni ti to ani kha na kuonhela; kambe awe wu lavetela kuthavisa wutomi wangu.

Mavingu 12:6

Mapswi a muonhi ngo riyela kutheketa mnoha, aniko mawombawombelo a vo lulama, ma na va txhatxhisa.

Johani 15:25

kasi ku dipswi di, di nga bhalwa Mlayoni kwawe, di txi tatiseka, adi di ku: ‘Va ni vengete walo.’ ”

Mika 7:2

Vathu vavanene va nyamalate ha mafuni, kambe kuwalo ni wammweyo wo lulama hagari ka vathu; votshe va ti longisela kutheketa mnoha; mmwani ni mmwani a riyela mwanawe ngu likoka.

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”

Masalmo 38:12

Avale va lavako ku ni daya va ni riyete; avale va ni navelelako kubiha va ni ruketela; sotshe sikhati va maha sikungo so kanganyisa.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

1 Samuwele 26:18

A to khene kambe: Ngu kutxani nyamne wangu e tutumisa txithumi txakwe nga tiya kani? Nji txani ni nga onha koko, kani? Ni ku wubihi muni wu kuho kwangu kani?

1 Samuwele 24:17

Se a to khene ka Dhavhidha: Awe u lulamile ngutu kupinda ani; nguko awe wu ni tshumetete ngu wunene, kambe ani ni ku tshumetete ngu wubihi.

1 Samuwele 19:1

Se Sawule a to gela Jonatani, mwanana wakwe, ni sotshe sithumi sakwe taku ve daya Dhavhidha. Kambe Jonatani, mwanana wa Sawule, a ti ti dhunda ngutu Dhavhidha.

Masalmo 140:2

vo alakanyela kubiha timbiluni kwawe; va tshanganelako kuwusa mazunga.

Mavingu 24:15

Awe m'bihi, u nga baramele m'ti wa m'thu wo lulama, hambi kuhanda nyumbani kwakwe.