Masalmo 59:17 - Bhiblia Yo Sawuleka

¹⁷ Kwako, Txizimu txangu, ni na embelela tindando ta ku kudhumisa, nguko awe u mkhokhola wangu wa hombe, awe u Txizimu txi txi ni randako!

Masalmo 59:17 Referans Kwoze

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

Masalmo 18:1

Ni na kuranda ngu mbilu yangu, Mkoma, Awe u mtamo wangu.

Masalmo 46:2

Ngu toneto, kha hi thavi txilo, hambi mafu ma txi dekadekiswa, hambi mimango yi txi mitwa ngu linene.

Masalmo 57:10

Lirando lako nda hombe, li hoka ni tinzumani ni kuthembeka kwako kumanela marefu.

Masalmo 57:11

Awe Txizimu, kombisa wuhombe wako nzumani, wudhumo wako wu na fenengete dotshe ditiko!

Masalmo 81:2

Embelelani tindando, mi txi veta sikhitsi, embelelani, mi txi veta mbila ni haripa.