Masalmo 59:16 - Bhiblia Yo Sawuleka

¹⁶ Aniko, ani ni na embelela mtamo wako; ni mixo, ni na dhumisa ngu litsako wumbilu wako, ngu ku uve wuthavelo wangu wo guleka ngutu, ni m'vhikeli wa da ditshiku da kuxaniseka kwangu.

Masalmo 59:16 Referans Kwoze

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Vaefesu 3:20

Txi na dhumiswe Txizimu, txi sikotako kumaha sasingi ngutu kupinda asi hi txi kombelako mwendo asi hi si pimisako, ngu mtamo wu, txi thumako ngu wona kwathu,

Varoma 15:9

Se i di ka vamatiko, vona va dhumisa Txizimu ngu mhaka ya wumbilu wa txona, nga ti ti nga bhalwa taku: “Ngu konaho, ni na kupfalisa hagari ka vamatiko, Kambe ni na embelela tindando ta kudhumisa ditina dako.”

Masalmo 30:5

Kuhenya kwakwe nga mbimo yayidotho dwe, aniko wunene wakwe mbwa yotshe mbimo. Ni wusiku hi otela hi txi dila, kambe ni mixo ha peka mikulungwani ya litsako.

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

Masalmo 138:7

Ngako ni txi tsimbila hagari ka kuxaniseka awe wa ni hanyisa; u na nawuluta dianza dako u ni vhikela ka txiviti txa valala vangu se dianza dako da txinene di na ni hanyisa.

2 Vakorinto 1:10

I ku txona txi nga hi hulukisa, ngu txona kambe txi no hi hulukisa ka phango ya hombe ya lifo; ka txona hi vekile themba yiyo, txi na hi hulukisa yotshe mbimo.

Masalmo 101:1

Ni lava kuembelela lirando ni kululama; ni txi embelela ngu ngawe, Mkoma.

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Masalmo 145:11

Va na womba-womba ngu wudhumo wa mfumo wako kambe va na xawutela mtamo wako,

Masalmo 36:5

Aniko wumbilu wako, Mkoma, wu gulekile wu hoka ni nzumani; ditshuri dako da manela marefu.

Masalmo 31:7

Ani ni na tsaka ni txi giya ngu lirando lako. Awe u woni kuxaniseka kwangu, u txi ziva ni kupandiseka kwangu;

Masalmo 4:1

Awe Txizimu, mlweli wa tifanelo tangu, ni xamule ni txi kudhana! Awe ngawe u nga ni hulukisa ka sikarato, telwa ngu wumbilu ngu ngani, u txi engisa mkombelo wangu.

Jobe 37:23

Ka wu wa Mtamo-wotshe kha hi na kuhoka; mbwa hombe amu ka mtamo; aniko kha lamuli ni wammweyo ngu timbiti, ni wuhombe wa wululamo.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Masalmo 89:1

Awe Mkoma, ni na embelela lirando lako, kala kupinduka; ni na huwelela kuthembeka kwako ka liveleko ni liveleko.

Masalmo 88:13

Aniko, ani, Mkoma, na dila kwako; ni mixo na kutisela mkombelo wangu.

Masalmo 77:2

Mbimo ya sikarato, na kombela ka Mkoma; ni wusiku, na guleta manza angu ni txi khongela, ni si karali; moya wangu kha wu mani thavelelo.

Masalmo 46:1

Txizimu mbuthavelo wathu ni mtamo wathu; ngu txona txi hi vhunako ka timbimo ta kuxaniseka.

1 Samuwele 17:37

A to khene kambe Dhavhidha: Mkoma a ni hulukisile manzani ka ngonyamo ni ka ursu; ene a na ni hulukisa manzani ka Mufilista wuwa. Sekoko Sawule a to khene ka Dhavhidha: Tsula, Mkoma a nave ni nawe!

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Masalmo 106:8

Aniko Txizimu txi va hanyisile, kasi kudhumisa ditina da txona ni kumaha ti to wu txi ziwa mtamo wa txona.

Masalmo 86:13

nguko wunene wako mbwa hombe kwangu; u ni ponisile ka diphala da lifo!

2 Samuwele 22:3

Txizimu dirigwi dangu, ni na themba ka txona. Txitxhangu txangu, ni mtamo wa kuhanyiswa kwangu, dikhokhola dangu ni wuthavelo wangu. Awe Mhanyisi wangu, u ni hanyisile ka vale va ni xanisako.

Eksodha 15:6

Dianza dako da txinene, awe Mkoma, da ti pfalisa, kambe nda mtamo; da phatulela valala;

Jobe 15:23

A peperukela e tsimbila e lava dipawu, a txi khene: Di hani kani? Wa tiziva kha kwati taku, ditshiku da txidema di hafuhi.