Masalmo 59:10 - Bhiblia Yo Sawuleka

¹⁰ Txizimu, txi txi ni randako, txi nata kwangu, txi txi ni ninga kuwona kuxulwa ka valala vangu.

Masalmo 59:10 Referans Kwoze

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Masalmo 54:7

nguko u ni hulukisisile kuxanisekani kwangu; se maso angu ma wonile kuxulwa ka valala vangu.

Masalmo 59:17

Kwako, Txizimu txangu, ni na embelela tindando ta ku kudhumisa, nguko awe u mkhokhola wangu wa hombe, awe u Txizimu txi txi ni randako!

Masalmo 21:3

U mu hingetile u txi mninga makatekwa u mu ambekile ha msungo kwakwe m'bhoti wa nzalama ya yinene.

Masalmo 92:11

Ni va woni valala vangu ve xulwa, ni ti engisile tihuwa ta vale va nga ti lava ku ni wukela!

Masalmo 54:5

Maha ti to kubiha ku txi wa txitimwi ka vale va ni xanisako. Va fuvise awe, Mkoma, ngu mtamo wa ditshuri dako.

2 Vakorinto 1:3

Txi na dhumiswe Txizimu, Tate wa Mkoma wathu Jesu Kristu, Tate wa wumbilu, Txizimu txa kotshe kuthavelela,

Jeremiya 17:16

Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

Isaya 65:24

Se ku na maheka ti to ni va xamula, va sanzi kupeka huwa; va txi ngadi ve womba-womba ni na va engisa.

Masalmo 112:8

Mbilu yakwe yi tsani, kha yi thavi txilo, ene wa themba ti to valala vakwe va na xulwa.

Masalmo 91:8

U na ti wona ngu maso ako dwe, u wona kutsayiswa ka vathu vo biha.

Masalmo 79:8

U nga hi tsayise ngu mhaka ya sionho sa vakale vathu; hi pfele wusiwana ngu kukuluveta, nguko mtamo wathu wu gumile!

Masalmo 56:6

Va ramba sikungo, va txi ni baramela, va txi wonisisa makando angu, na va txi rinzela mbimo ya ku ni daya. Ina vathu vo bihisa tiya va nga huluka kani?

Masalmo 56:2

Valala vangu va ni xanisa yotshe mbimo; mbavangi, awe Nyatxitimwi, avale va lwako ni nani.

Masalmo 5:8

Ni tsimbitise, Mkoma, ngu nzila yako yo lulama u txi ni vhikela ka valala vangu. Lulamisa masoni kwangu nzila yako.

2 Samuwele 1:17

Se Dhavhidha a to dila Sawule ni Jonatani, ngu ndando yiya,

1 Vatesalonika 4:15

Ha mi gela ngu ka Mkoma, ti taku: Athu hi nota maneka hi txi hanya, athu hi no salela kuwuya ka Mkoma, kha hi na mbi va thangela ava va nga ti fela;

1 Samuwele 26:10

Dhavhidha a to engeta a txi khene: Ni xambanya ngu Mkoma wu a hanyako, taku Mkoma a na m'daya, mwendo ti to ditshiku da kufa kwakwe di na hoka, ni ku mwendo a na relela ku yalwa a txi ya lova.

Masalmo 46:8

Ngonani, wonani mithumo ya Mkoma; i ku simaha so xamalisa a nga si maha ha mafuni.