Masalmo 58:3 - Bhiblia Yo Sawuleka

³ Vobiha va ti hambukisile kukhukhela kuvelekwani kwawe; avale va wombako makuhu va phazamile kukhukhela ha wananani kwawe.

Masalmo 58:3 Referans Kwoze

Masalmo 51:5

Kha ditshuri, ni m'bihi kukhukhela ni txi velekwa; ni muonhi kukhukhela mndani ka mame wangu.

Isaya 48:8

Hambi awe khwa tipfa, hambi ku tiziva, ni ka kudotho kukhukhela kale kha ya tulwa nzeve yako, nguko ani ni txi tiziva taku, khu na kuthembeka, ni ti to u txi ndaka-milayo kukhukhela mndani ka mame wako.

Mavingu 22:15

Wuphukuphuku wu maneka mbiluni ka mfana, kambe ndonga yo tsayisa yi na wu tutumisa.

Vaefesu 2:3

Nanathu hotshethu hi ti fite kale kufana navo, ngu kulondetela minavelo yathu yo biha ni kumaha kuranda ko hambana ka mmidi wathu ni mipimiso yathu. Ngu kota yeto, nathu ngu mtumbuluko wathu hi ti maneka hi di vanana va va fanelwako ngu kutsukulwa ngu Txizimu kufana ni vamwani.

Jobe 15:14

Njitxani m'thu, konaza eva a di sawulekile kani? Ni ti taku awule a velekwako ngu wamsikati, eva wo lulama kani?

Isaya 46:3

Ni engiseni anu va nyumba ya Jakobe, ni motshenu mi nga sala va nyumba ya ka Israyeli; anu ni nga mi khutarela ngu mawoko kukhukhela mndani, ni mi beleka kukhukhela mndani ka mame.

Masalmo 22:10

Ni sanzi kuvelekwa, awe u ni xayisile; kukhukhela mndani ka mama, awe u Txizimu txangu.

Masalmo 55:10

Wusiku ni mitshikari va horolokela maguma a didhoropa, kambe mndani ka dona ku tate ngu wugevenga ni kuvengelana.

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!