Masalmo 57:2 - Bhiblia Yo Sawuleka

² Ni na dila ka Txizimu, Nyatxitimwi, Txizimu txi txi ni ningako sotshe si ani ni si lavako.

Masalmo 57:2 Referans Kwoze

Masalmo 138:8

Mkoma ana ni txhukwatisela ati ti ni dinganako! Awe Mkoma, lirando lako nda kala kupinduka; U nga leke ha mpfhukani mthumo wa manza ako.

Vafilipiya 1:6

Na themba ti to awule a nga khata mthumo wa wunene kwanu, a na wu hetisa kala kuhoka ka ditshiku da Jesu Kristu.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Isaya 26:12

Mkoma, awe u na hi ninga kudikha, nguko awe ngawe, u nga maha kwathu yotshe mithumo yathu.

Vafilipiya 2:12

Ngu konaho vo randeka ngutu kwangu, anu mi engisisako yotshe mbimo, thumani ngu txithavo ni kudhudhumela mi thumela kuhanyiswa kwanu, i si nga kumaha eto dwe, ngako ni di kumweko ni nanu, aniko ngutu-ngutu konkuwa ni ku kule ni nanu.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Masalmo 56:2

Valala vangu va ni xanisa yotshe mbimo; mbavangi, awe Nyatxitimwi, avale va lwako ni nani.

Masalmo 17:8

Ni xayise kufana ni ndololo ya diso dako; ni sise mtsudini ka mabhapi ako,

Masalmo 41:5

Valala vangu va womba-womba kubiha ngu ngani va txi kha vona: “A na fa ditshiku muni m'thu wuwa, kasiku ditina dakwe di txi divalwa kani?”

Masalmo 143:9

Ni hulukise awe Mkoma, ka valala vangu; nguko ani ni thavela kwako.

Isaya 26:20

Tsulani, koko, anu vathu vangu, wulelani tinyumbani kwanu mi ti sekela matimba, baramani ngu mbimoanyana, kala kuza kuboxa kuhenya.