Masalmo 55:7 - Bhiblia Yo Sawuleka

⁷ Ni ndi na thava ni txi ya kule ngutu, ni txi ya hanyela txiwulani.

Masalmo 55:7 Referans Kwoze

Jeremiya 9:2

I ti ku no va ni dizumbo da vatsimbili muwa txiwulani, sekoko ni ndi nava ni di lekile vathu vangu, ni khukha hagari kwawe, nguko votshe va ni wugango, msengeletano wa vakangayisi.

Jeremiya 37:12

Jeremiya a to huma ngu Jerusalema a txi ya ditikoni ka Bhenjamini, kuva a txi ya henjeleta txipeto hagari ka vathu.

2 Samuwele 15:14

Se Dhavhidha a to khene ka sithumi sakwe sotshe sile a nga ti ti naso ani Jerusalema: Khukhani hi tutuma, nguko kha hi na mbi huluka masoni ka Abhisalome. Kuluvetani mi tsula, nguko a nga thuka e kuluveta a txi hi mana

1 Samuwele 27:1

Kambe Dhavhidha a to khene mbiluni kwakwe: Dimwani ditshiku ni na dawa ngu Sawule; kha ku nata tshuko kwangu kupinda ku ni huluka ni kuluveta ni tsula ditikoni ka Vafilista; kasiku Sawule a txi leka ku ni xota ka yotshe mihingano ya Israyeli; ngu kumaha keto ni na huluka ka dianza dakwe.

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!