Masalmo 53:6 - Bhiblia Yo Sawuleka

⁶ Oh, idiku kuhanyiswa ka Israyeli ko ta ngu Siyoni! Ngako Txizimu txi txi wuyisa vathu va txona ngu wukhumbini, liveleko la Jakobe li na tsaka, vathu va ka Israyeli va na nengela.

Masalmo 53:6 Referans Kwoze

Masalmo 14:7

O! I mani a no wuyisa ngu Siyoni, kuhanyiswa ka Israyeli! Mbimo yi Mkoma a no katekisa ngamu yakwe, vanana va Jakobe va na giya, ani va ka Israyeli va na tsaka.

Jeremiya 30:18

Mkoma a khene: Ni na wuyisa vo ñolwa va matenda a Jakobe, ni na pfela wusiwana dizumbo dakwe; didhoropa di na aketwa txizani ka dona, nyumba ya wukoma yi na nga tontile ta kale.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Masalmo 85:1

Mkoma, awe u katekisile vathu vako. U tshumetete ka Israyeli tithomba takwe.

Nehemiya 12:43

Ka ditshiku donedo va to maha mphaxo wa hombe, ve tsaka, nguko Txizimu txi ti ti va ningile litsako la hombe. Se vavasikati ni vanana va to tsaka ni vona. Ngu mamahelo eyo kutsaka ka Jerusalema ku to pfala kule.

Amosi 9:14

Ni na thavisa wukhumbi wa vathu vangu va ka Israyeli, kambe va na aketa madhoropa o xaselwa, se va na zumba ka ona, ve phaya mivhinya, ve sela vhinya ya kona, ve phaya mipeto ya mindonga, ni kudya mihando ya kona.

Joyeli 3:1

Wona taku, ka oneyo masiku, ni ka mbimo yoneyo, ni no thavisa wukhumbi ka Judha ni ka Jerusalema,

Jeremiya 31:23

Mkoma wa Mabutho a Tiyimbi, i ku Txizimu txa Israyeli, a khene: Mi ngadi mi txi na womba dipswi diya ka Judha ni madhoropani kwakwe, mbimo yi ni no heta wukhumbi wawe: Mkoma a na kukatekisa, awe m'ti wa kululama, awe mmango wo sawuleka!

Masalmo 50:2

Txizimu txa woninga kukhukhela Siyoni, didhoropa da kutshura ko hetiseka.

Jobe 42:10

Msana ka kuva Jobe a ti kombelete vangana vakwe vavararu; Mkoma a to engetela so tala, kambidi ka sotshe sile Jobe a nga ti ti naso ngu kale.

Ezra 3:11

Se va txi wuyelela kuembelela, va txi kulisa ni kudhumisa Mkoma, nguko mnene; “nguko wumbilu wakwe mbwa yotshe mbimo ka Israyeli!” Se votshe vathu va to kwangula ngu kutsaka ka hombe, mbimo yile va nga dhumisa Mkoma, ngu kukhatwa ka Nyumba ya Mkoma.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.