Masalmo 53:5 - Bhiblia Yo Sawuleka

⁵ Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Masalmo 53:5 Referans Kwoze

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Ezekhiyele 6:5

Se ni na veketela sirumbi sa vanana va ka Israyeli masoni ka sithombe sawe, kambe ni na hangalasela marambu anu masoni ka siluvelo sanu.

Jeremiya 6:30

Vona va na wombwa ku i silivhela yo lekwa, nguko Mkoma a va lekile.

Masalmo 141:7

Kufana ni kule m'thu a dimako e veka mafuko ka mafu, Marambu athu ma hangalaswa ha txikeni ka dithitha.

1 Samuwele 14:15

Se ku to va ni kuthava wugoveloni, txitingani ni ka votshe vathu; vawoneleli ni vona ni vaxaseli va to dhudhumela, a ha koza ni ditiko di zinginika, nguko i ti ti kuthava kutako ngu ka Txizimu.

Masalmo 73:20

Nga ti a mahako m'thu ngu mloro, a txi wuka, na nawe, Mkoma, u txi na wuka, u na nyenya ni txithuzi txawe.

Masalmo 40:14

Va na thelwe tingana votshe vale va lavako ku ni daya. Va na tshumelele msana ve xowoka ngu tingana votshe vale va ni navelelako makhombo!

Masalmo 35:26

Va na vhilinganyiswe ve thelwa tingana votshe vale va tsakako ngu kuxupheka kwangu; va na tale ngu kuxowoka ni tingana votshe vale va ti guletako va txi ni wukela.

Masalmo 35:4

Va na thelwe tingana avale va lavako ku ni daya; va na thave va di kanganyisekile avale va ni pimiselako kubiha.

Masalmo 14:5

Vona va dhudhumela ngu kuthava, nguko Txizimu txi ema ni liveleko lo lulama.

Masalmo 2:4

Awule a zumbako nzumani wa va seka, Mkoma wa va tseketsela.

Sidilo 2:6

Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.

Jobe 15:21

Diguwa da tihuwa di tinzeveni kwakwe; hambi mu ko thutha, wata kwakwe mxaseli.

Jeremiya 49:15

Nguko wona ti to ni kumahile wam'dotho hagari ka matiko, wa kutxhipiswa hagari ka vathu.