Masalmo 51:8 - Bhiblia Yo Sawuleka

⁸ Ni ninge kuengisa mapswi a litsako ni kunengela; ni na tshumela ni tsaka, hambiko u nga funyeletela sihango sangu.

Masalmo 51:8 Referans Kwoze

Matewu 5:4

Va katekile ava va dilako, nguko va na thavelelwa!

Luka 4:18

“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,

Masalmo 38:3

Ku walo txihango txa mmidi wangu, txi hanyako; ngu mhaka ya kuhenya kwako, kuwalo kuhanya marambuni kwangu ngu mhaka ya sionho sangu.

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”

Masalmo 30:11

Hindula kudila kwangu ku txi maha kusinya ka litsako; ni thavise mkhwasi u txi ni ambeka si ambalo sa litsako.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Masalmo 13:5

Ani ni themba wumbilu wako; mbilu yangu yi tsakela kuhanyisa kwako.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.