Masalmo 51:12 - Bhiblia Yo Sawuleka

¹² Ni wuyisele litsako la kuhanyisa kwako; u txi ni tsanisa ngu moya wako wa mtamo.

Masalmo 51:12 Referans Kwoze

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Masalmo 13:5

Ani ni themba wumbilu wako; mbilu yangu yi tsakela kuhanyisa kwako.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

2 Vakorinto 3:17

Mkoma i Moya, se aha ku ku ni moya wa Mkoma, kuho kutxhatxheka.

Luka 1:47

ni moya wangu wu tsakela Txizimu, Muhanyisi wangu,

Masalmo 35:9

Ani na tala ngu litsako, nguko Mkoma a ni ningile kuxula.

Masalmo 119:133

Tsanisa mikondo yangu nzilani ka dipswi dako, u nga tumele ti to wubihi wu txi ni fuma.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Varoma 8:15

Ngu toneto, anu kha ma amukela moya wa wukhumbi ti to mi txi telwa ngu kuthava; aniko mi amukete moya wa ku mi maha vanana va mafuyiwa va Txizimu, moya wu wu hi ningako kutsana hi m'dhana ku: “Abba! Tata!”

Jeremiya 10:23

Mkoma, na tiziva ti to nzila ya m'thu kha yi nga mtamoni kwakwe. Kambe m'thu kha sikoti kululamisa mazambo akwe.

Varoma 14:4

U mani awe u lamulako txithumi txa mmwani kani? Mwendo txithumi txiya txa ema mwendo txa wa, eto ti ziwa ngu nyamne wa txona; aniko txona txi na ema, nguko Mkoma a ni mtamo wo txi emisa.

Masalmo 21:1

Mfumeli wa tsaka mtamoni kwako, Mkoma, wa tsaka ngutu, nguko u mningile kuxula valala.

Masalmo 19:13

Kambe hulukisa txithumi txako amu ko tikulisa; kasi ku ku si fumi kwangu; ngu kumaha keto, ni na va ni di thembekile, ni si nga ni txisolo ni txi ti hulukisa ka sionho sa hombe.

Masalmo 17:5

Ninga mikondo yangu kulondisa tinzila tako, kasiku ni si hambuki ka tona.

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Masalmo 24:4

Wule a nga basa manzani, ni mbilu yo sawuleka asi ningeteteliko moya wakwe ka wukanganyisi, kambe asi xambanyiko ngu kukanganyisa.