Masalmo 51:10 - Bhiblia Yo Sawuleka

¹⁰ Awe Txizimu, ni he mbilu ya yinene; wuseta m'hefemulo wangu, u txi wu tsanisa.

Masalmo 51:10 Referans Kwoze

Ezekhiyele 11:19

Kambe ni na va ninga mbilu yimweyo, ni thela moya wa wuphya mndani kwawe; se nyamani kwawe ni na thavisa mbilu ya dirigwi, ni txi va ninga mbilu ya nyama;

2 Vakorinto 5:17

Ngu kumaha keto, awu a ku ka Kristu, njivangwa txa txiphya; sa kale se si pindile; sotshe si mahile sasiphya.

Matewu 5:8

Va katekile ava va nga basa timbilu; nguko va na wona Txizimu!

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

Varoma 12:2

Mi nga xengetelweni ngu sa ditiko diya, aniko phindukani amu ka mapimo anu, kasiku mi ziva kuranda ka Txizimu: Ati i ku ta tinene, a ti ti mtsakisako, ni ti i ku ta kuhetiseka.

Mithumo 15:9

Kha txa hambanisa txilo hagari kwawe ni nathu, nguko txi basisile timbilu tawe ngu likholo:

Titosi 3:5

i si nga ngu mhaka ya mithumo yathu ya yinene hi nga yi maha, aniko ngu mhaka ya wumbilu wa txona hi sambisilwe hi phindulwa hi txi maha vavaphya ngu mtamo wa Moya wo Sawuleka,

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Mavingu 20:9

Ina aho waku a nga khene: Ni basisile mbilu yangu, ni kuwutwe sionho sangu!

Masalmo 24:4

Wule a nga basa manzani, ni mbilu yo sawuleka asi ningeteteliko moya wakwe ka wukanganyisi, kambe asi xambanyiko ngu kukanganyisa.

Vakolosa 3:10

mi ambate m'thu wamphya, awuwa se a kulako ka wona wuphyewo, ngu kulondetela nzila ya m'vangi wakwe, kasiku e mana wuzivi wa kuhetiseka.

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Masalmo 73:1

Kha ditshuri Txizimu njinene ka vathu va ka Israyeli, ka va vo basa timbilu!

Jakobe 1:8

Nguko, eyo i m'thu wa mipimiso yimbidi, wa kana-kana ka totshe tinzila takwe.

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Masalmo 78:37

Timbilu tawe ti sa thembeka ka Txizimu hambi ni ka txitumelelano txa Txizimu, ti sa thembeka.

Jeremiya 13:27

Ni wonile wugango wako, ni kudila ka kunavela kwako, wugango wako wo phindeletisa, amu mimangoni ni mu tithembweni. Dikhombo kwako Jerusalema! U na verela kala yihi mbimo na u si basiswi kani?

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Joxuwa 14:14

Ngu tona eto, Hebroni i thomba ya Kalebhi, mwana Jefoni Mkenezi, kala nyamsi, nguko a londetile Mkoma, Txizimu txa Israyeli, asi rereki.

Masalmo 35:10

Ngu yotshe mbilu yangu ni na womba ni txi khani: “Kha txi nga ho tximwani Txizimu hahanze kwako Mkoma! Awe wa hulukisa sisiwana ni sikulungu ka vale i ku va mtamo ngutu kupinda sona, avale va si dyelelako!”