Masalmo 51:1 - Bhiblia Yo Sawuleka

¹ Telwa ngu wumbilu ngu ngani, Txizimu, ngu konaho ka lirando lako; pfhita sihambunyeto sangu, madingano ni wumbilu wo tala!

Masalmo 51:1 Referans Kwoze

Mithumo 3:19

Ngu toneto, pandisekani mbiluni kwanu, mi txi hunduluka, kasi mi na mana divalelo ya sionho sanu.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Masalmo 51:9

U nga wone sionho sangu kambe pfhita sotshe sionho sangu.

Vakolosa 2:14

txi pfhutile mibhalo ya dipapilo da minandu yathu, adi di nga ti bhaletwe ku hi mangalela masoni ka mlayo; di fuvisilwe dipapilodo ngu ku di bethela ha txihambanoni.

Masalmo 69:16

Ni xamule, awe Mkoma, nguko lirando lako mbunene; ni wone, ngu wumbilu wako wa hombe.

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Masalmo 4:1

Awe Txizimu, mlweli wa tifanelo tangu, ni xamule ni txi kudhana! Awe ngawe u nga ni hulukisa ka sikarato, telwa ngu wumbilu ngu ngani, u txi engisa mkombelo wangu.

Sidilo 3:32

Nguko hambi txi txi pfisa kupanda m'thu, txi na mpfela wusiwana madingano ni wuhombe wa wumbilu wa txona.

Masalmo 119:124

Ni xayise ani txithumi txako, madingano ni lirando lako; ni gondise milayo yako!

Masalmo 109:21

Aniko awe, Mkoma, Txizimu txangu, ni vhune ngu mhaka ya ditina dako. Ni hanyise ngu wunene ni lirando lako!

Masalmo 40:11

Mkoma, u nga ni lambele lirando lako; lirando lako ni ditshuri dako, si na ni vhikele yotshe mbimo!

Masalmo 5:7

Aniko, ani, ngu wuhombe wa lirando lako, na sikota kuwulela nyumbani kwako ni txi kukhozela amu Dithepeleni kwako ngu txithavo.

Masalmo 106:7

Vatate vathu, mbimo yi va nga ti Egipta, kha va khatala ngu sidiwukiso sako; kha va alakanya lirando lako la hombe aniko va kuwukete, hafuhi ka linene lo Bhilivila.

Masalmo 69:13

Aniko, ani, Mkoma, ni ta kwako ngu mkombelo; Txizimu, ni xamule, ngako u txi ti wona i di ta tinene, ni xamule, ngu lirando lako la hombe! Awe u ku m'vhuneteli wo thembeka,

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Isaya 63:15

Wona na u di nzumani, se u wona na u di ka wukhalo wako wo sawuleka, ni kudhundeka. Txi hayi txiluse txako, ni mithumo yako ya mtamo kani? U nga thavise kwangu lirando la mndani kwako ni la wumbilu wako!

Isaya 63:7

Ni na khumbuka wunene wa Mkoma, ni wungi wa wudhumo wa Mkoma, madingano ni totshe ti Mkoma a nga hi ninga, ni wunene wakwe wa hombe ka nyumba ya ka Israyeli, a nga va mahela madingano ni wumbilu wakwe, ni madingano ni kutala ka wunene wakwe.

Masalmo 145:9

Mkoma mbwamnene ka votshe; ni wumbilu wakwe wu dingana yotshe mithumo yakwe.

Masalmo 77:9

Txizimu txi nga va txi di divate wumbilu wa txona kani? Txi nga va txi di henyile ngutu aha koza wunene wa txona wu va wu di gumile kani?”

Dhaniyeli 9:18

Awe Txizimu txangu, namisa tinzeve tako u engisa; tula maso ako u wona marumbi athu, ni didhoropa di di dhanwako ngu ditina dako, nguko kha hi ya tisa kudila kwathu masoni kwako, ngu kululama kwathu, kambe ngu mhaka ya wumbilu wako wo tala.

Nehemiya 4:5

U nga fenengete wubihi wawe, kambe si nga pfhutwe masoni kwako sionho sawe, nguko va ku henyisile masoni ka vaaki.

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.