Masalmo 50:3 - Bhiblia Yo Sawuleka

³ Txizimu txathu txi nata, kambe kha txi na mbi ta malala; masoni ka txona kuhuma mndilo wo hisa ngutu, ka otshe madhawa a txona, ku na ni txihuhuri txa mtamo.

Masalmo 50:3 Referans Kwoze

Dhaniyeli 7:10

Ku to huma mnambo wa mndilo ngu masoni kwakwe; vathu va magumi a mazana ve di thumela, ni magidi-gidi a vathu ma ti masoni ka dona; se ku to khalahatsha valamuli, se ku txi tulwa mabhuku.

Mitengo 16:35

Sekoko Mkoma a to rumela mndilo wuta lovisa vathu va 250, va nga ti hungala ngu kuhisa dibaselo.

Levhi 10:2

Sekoko ku to huma mndilo ngu masoni ka Mkoma, wu txi va hisa konaho, va txi fa masoni ka Mkoma.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

Vahebheru 12:29

Nguko, Txizimu txathu, i mndilo wu wu hisako.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Habhakuki 3:5

Masoni ka txona ku ti ti thangela mtungu, ni miseve ya mndilo hahatshi ka mikondo ya txona.

Masalmo 96:13

tsakani masoni ka Mkoma, nguko wata nguko a tela ku ta vhuna mafu; a na lamula ditiko ngu kululama, ni vathu ngu ditshuri dakwe.

Masalmo 83:1

Txizimu, u nga malale! U nga khutarele mawoko u txi wonetela, awe Txizimu!

Masalmo 68:20

Txizimu txathu, Njizimu txa kuhanyisa; se ka Mkoma Txizimu ku ni mtamo wo hulukisa ka lifo.

Masalmo 50:21

U mahetete totshe tiya, aniko ani ni malate; u pimisile ti to ani ni fana ni nawe. Aniko ni na kudhana ni ta kulamula, ni txi kuthethisa ngu mithumo yako yi u nga yi maha.

Masalmo 48:14

“Nguko Txizimu txiya, ngu txona Txizimu txathu kala kupinduka. Ngu txona txi no hi thangela kala kufani!”

Dhewuteronome 9:3

Ngu toneto, ti zive nyamsi ti to Mkoma, Txizimu txako, ngene a no thangela masoni kwako, kufana ni mndilo wo hisa; ngene a no lovisa ni ku va fuvisa masoni kwako. Sekoko awe u na va hinga, u txi va fuvisa, nga ti Mkoma, a nga womba.

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Vahebheru 2:3

se athu hi na hulukisa kutxani, ngako hi txi kanyisa kuhanyiswa kuwa kwathu ka hombe kani? Kuhanyiswa kuwa ku khatile kuhuwelelwa ngu Mkoma, ngu msana ku txi tsaniswa kwathu ngu va va nga tipfa,

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Ezekhiyele 1:4

Ni to wonisisa, ni wona moya wa txihuhuri txa mtamo ngutu wu txi ta ngu Wuphemba, ni direfu da hombe, ni mndilo wu wu nga ti renzelekela, ni kuphatima madhawani ka kona, se ngu hagari ku ti ti ni txo fana ni koporo, txi nga ti ti huma ngu hagari ka mndilo.