Masalmo 50:16 - Bhiblia Yo Sawuleka

¹⁶ Aniko ka m'thu wo biha Txizimu txi womba tiya: “Ti kuvhuna txani kuwombetela milayo yangu ni kuhuwelela yotshe mbimo txitumelelano txangu,

Masalmo 50:16 Referans Kwoze

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

2 Pedro 2:15

Va lekile nzila yo lulama, ve londetela nzila ya Bhalahamu, mwanana wa Bheyori, awu a nga tumela kuxengwa ngu dihelo yo mbi lulama,

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

Johani 4:24

Txizimu i Moya, se vakhozeli va txona va fanela ku txi khozela ngu Moya ni ditshuri.”

Mavingu 26:7

Divingu do huma mkananani ka txiphukuphuku, di fana ni minenge ya txilima, ya kwa mbi txi vhuna txilo.

1 Vakorinto 9:27

Aniko ani ni tsayisa mmidi wangu, ni txi wu maha khumbi, kufela ku, ni di txhumayete vamwani, ani nipune ni si sali msana.

Ezekhiyele 18:27

Aniko ngako m'bihi a txi hunduluka ka wubihi wakwe wule a nga wu maha, se a txi maha tinene ni kululama, a na xayisa muhefemulo wakwe, wu txi hanya.

Isaya 48:22

Aniko va kubiha kha va na kudikha, kuwomba Mkoma.