Masalmo 50:1 - Bhiblia Yo Sawuleka

¹ Txizimu txa mtamo wotshe, Mkoma a wombile; a rambile vaaki va ha mafuni kukhukhela wutxani kala mswa-ditambo.

Masalmo 50:1 Referans Kwoze

Masalmo 113:3

A na dhumiswe Mkoma, kukhukhela wutxani kala mswa-ditambo!

Matewu 25:32

Se votshe vathu va na ya tshangana masoni kwakwe. Ene a na va abanisa ngu mitxhambi yimbidi, nga kule ka m'dyisi a abanisako tinvuta ni tiphongo,

Joxuwa 22:22

Txizimu txa sizimu, Mkoma, Txizimu txa sizimu, Mkoma, Ene wa tiziva, ni Israyeli nene a fanete ku tiziva; ngu didhawa dathu ngako hi di mahile wuhurupha mwendo kueyisa Mkoma wathu, ene a na leke ku hi hulukisa ka ditshiku da nyamsi,

Amosi 3:8

Yi bhongile ngonyamo, i mani wu a na kwa mbi thava kani? A wombowombile Mkoma Txizimu, i mani a na kwa mbi profeta kani?

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Jeremiya 10:6

Khangaho a fananako ni nawe, awe Mkoma; u wa hombe, ditina dako ndahombe ngutu.

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Isaya 37:20

Konkuwa koko awe Mkoma, Txizimu txathu, hi txhatxhise manzani kwawe, kasi ku yotshe mifumo ya ha mafuni, yi tiziva tito, ngawe dwe u ku Mkoma.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Masalmo 83:1

Txizimu, u nga malale! U nga khutarele mawoko u txi wonetela, awe Txizimu!

Masalmo 73:1

Kha ditshuri Txizimu njinene ka vathu va ka Israyeli, ka va vo basa timbilu!

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

2 Makronika 29:30

Se mfumeli Ezekhiya ni vathangeli, va to gela Valevhi ti to va fanela kudhumisa Mkoma, ngu mapswi a Dhavhidha, ni a Asafe, m'huti. Se Valevhi va to m'dhumisa ngu kutsaka, ve khizama, ve mkhozela.

1 Makronika 25:6

Votshe vava, va ti ti didhawa ka tate, kasi kuva txi embelela, Nyumbani ka Mkoma, ngu tingoma, ni timbila, ni tiharipa, ka mthumo wa kukhozela Nyumbani ka Txizimu; se Asafe ni Jedhutumi, ni Hemani va ti didhawa ka mfumeli.

1 Makronika 25:2

ka vanana va Asafe, i Zakuri, ni Josefa, ni Netaniya, ni Asarela, vanana va Asafe, va ti thangelwa ngu Asafe wule a nga ti profeta ngu kuleletela ka mfumeli Dhavhidha;

1 Makronika 16:37

Sekoko Dhavhidha a to siya Asafe ni vanawe koneho, masoni ka dibhokiso da txitumelelano txa Mkoma, kasi kuve khozela masoni ka dibhokiso otshe masiku, madingano ni txileleto txa ditshiku ni ditshiku.

1 Makronika 15:17

Valevhi koko, va to sawula Hemani, mwana Joweli; se ka vanawe va to sawula Asafe, mwana Bherekiya; ka vanana va Merari vanawe, i Etani, mwana Kusaya.

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

1 Makronika 6:24

Tahate, mwanakwe, Uriyeli, mwanakwe, Uziya, mwanakwe, ni Sawule, mwanakwe.

Masalmo 74:1

Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

Masalmo 75:1

Ha kubonga, awe Txizimu, athu ha kubonga! Ha dhana ditina dako; hi txi pfalisa sidiwukiso sako.

Masalmo 76:1

Txizimu txa ziwa ditikoni ka Judha; ditina da txona nda wudhumo ditikoni ka Israyeli.

Masalmo 77:1

Na kwangula ka Txizimu ngu dipswi da mtamo, na dila ka Txizimu kasiku txona txi txi ni engisa.

Masalmo 78:1

Vathu vangu, engisani gondo yangu; engiselani ati ni mi gelako!

Masalmo 79:1

Txizimu, vamatiko va wulete ditikoni kwako, va nyenyezisile dithepele dako do sawuleka, didhoropa da Jerusalema va di mahile marumbi.

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

Masalmo 81:1

Embelelani, mi dhumisa Txizimu, m'vhikeli wathu! Pekani mikulungwani ya kutsakela Txizimu txa Jakobe!

Masalmo 82:1

Txizimu txi khalahatshile msengeletanoni ka nzumani; txi lamula hagari ka sizimu txi txi kha txona: