Masalmo 5:11 - Bhiblia Yo Sawuleka

¹¹ Kambe va na tsake votshe avale va thavelako kwako, va na giye yotshe mbimo, nguko awe wa va vhikela, kambe va tsaka ngu ngawe. Avale va randako ditina dako, va ku tsakelako.

Masalmo 5:11 Referans Kwoze

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Masalmo 68:3

Aniko vavanene va tsaka masoni ka Txizimu, va maha migiyo, va giringa ngu kutsaka!

Masalmo 40:16

Va na tale ngu litsako avale va ku lavako, avale va navelako kuhanyisa kwako, va na wombe yotshe mbimo va txi kha vona: “Mkoma ngene i ku Txizimu!”

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

1 Vakorinto 2:9

Aniko, nga tiya ti nga bhaliswa tona, nzimaha si “hambi maso ma si sikotiko ku si tshanganisa, hambi tinzeve ti si sikotiko ku si engisa, hambi mialakanyo ya m'thu yi si sikotiko ku si pima, asile Txizimu txi nga lulamisela avale va txi dhundako.”

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Masalmo 69:36

Vatukulu va sithumi sa Txizimu va na dya thomba ya Siyoni se va na aka koneyo avale va txi randako.

Masalmo 65:13

Tibala ti tate ngu mitxhambi ya sifuyo; mikova yi tate ngu fulaho; ngu mhaka yeto, va tsaka ngutu ve kulungela!

Masalmo 35:27

Aniko va na tsake va txi giya avale va ti zivako ti to ni wamnene; kambe va na wombe yotshe mbimo va txi kha vona: “Mkoma mbwa hombe! Mkoma a dhunda wunene wa txithumi txakwe!”

Masalmo 58:10

Mlulami a na tsaka, ngako a txi wona kuphotelwa a na samba mikondo yakwe ngu mnoha wa vabihi!

Jobe 38:7

mbimo yile tinyeleti ta wuronga ti nga patana ti embelela, na votshe vanana va Txizimu va txi tsaka ngutu kani?

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.