Masalmo 5:10 - Bhiblia Yo Sawuleka

¹⁰ Awe Txizimu va rweke mnandu wawe! Va leke va txi loviswa ngu makungo awe. Va tutumise ngu mhaka ya mtalo wa sionho sawe, nguko va terekile va txi kuwukela.

Masalmo 5:10 Referans Kwoze

Isaya 63:10

Aniko vona va to mueyisa, se ve henyisa Moya wakwe wo Sawuleka; a to maneka i di mlala wawe, se ene apune a tolwa navo.

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

1 Vakorinto 3:19

Nguko wutxhari wa ha mafuni mbupumbu masoni ka Txizimu, kota nga ti ti nga bhalwa va txi kha vona: “Txona txa bzweta vazivi amu ka wutxhari wawe.”

Masalmo 71:13

Va na kanganyiseke va txi haxulelwa avale va zamako ku ni daya! Va na xowokiswe ve wiswa tingana avale va ni navelelako dikhombo!

Masalmo 31:18

Malata vathu va makuhu, nguko va womba kubiha ngu Txizimu txo sawuleka, txa kwa mbi na magwito, ngu kutiguleta ni kukanyisa.

2 Samuwele 17:23

Se Ayitofeli a di woni koko, taku txikungo txakwe kha txa londetwa, a to sungelela mbongola yakwe, e khukha e tsula m'tini kwakwe, ka didhoropa dakwe, eya lulamisela nyumbani kwakwe e ti sunga: se efa, e tshotshwa ka dithitha da tate vakwe.

2 Samuwele 15:31

Sekoko va to zivisa Dhavhidha, va txi kha vona: Ayitofeli nene a hagari ka vale va emako ni Abhisalome. Se Dhavhidha a to khene: Awe Mkoma, hundulusa txikungo txa Ayitofeli.

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Sidilo 1:5

Valala vakwe va mxute, valala vakwe va humelela nguko Mkoma a mu wuyisete ngu mhaka ya kutala ka sihoxo sakwe; vanana vakwe, vayiswa wukhumbini masoni ka valala.

Masalmo 55:15

Lifo li na kanganyise valala vangu! Va na relele va txi hanya ditikoni ka vafi, nguko wubihi wu akile timbiluni kwawe.

Masalmo 35:26

Va na vhilinganyiswe ve thelwa tingana votshe vale va tsakako ngu kuxupheka kwangu; va na tale ngu kuxowoka ni tingana votshe vale va ti guletako va txi ni wukela.

Dhaniyeli 9:9

Wumbilu ni kudivalela si lumba Mkoma, Txizimu txathu; nguko hi mueyisile, hi m'wukete.

Dhaniyeli 9:5

hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;

Isaya 1:20

Aniko ngako mi txi ni tshuralela mi si ni engisi, mi na guma ngu ditxhari, nguko txisofu txa Mkoma txi wombile.

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

Masalmo 107:11

ngu kuva va di eyisile sileleto sa Txizimu ni kunyenya mithetho ya Nyatxitimwi.

Masalmo 79:12

Mkoma, va tsayise ka mtxhanu ni kambidi vaakelani vathu ngu mhaka ya sionho si va nga ku mahela.

Masalmo 66:7

Ngu mtamo wa txona txa fuma yotshe mbimo; ngu maso a txona txa xayisa mifumo, ti to sigevenga si si txi wukeli.

Masalmo 17:13

Khukha u txi ema, Mkoma! Va hinge u txi va dikha hahatshi! Ni hulukise ngu ditxhari dako, ka vathu va kubiha;

Masalmo 10:15

Fuvisa mtamo wa vabihi ni wa vaonhi; tsayisa kubiha kwawe, kala kuza ve fuva votshe.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

1 Samuwele 25:39

Se mbimo yile Dhavhidha a nga pfa ti to Nabhali a fite, a to khene: Ku na bongwe Mkoma a nga vhikela dianza da txithumi txakwe kumaha wubihi ka Nabhali, a tsivete txithumi txakwe ka wubihi, kambe Mkoma a mahile ti to wubihi wa Nabhali wu tshumelela txitimwi ka msungo wakwe. Se Dhavhidha a to ruma vathu ka Abhigayeli kuya mteka ti to e maha msikati wakwe.

1 Samuwele 25:29

Se ngako m'thu wokari a txo khukha e kututumisa, a txi lava ku kudaya, sekoko wutomi wako wu na sungwa ka nyanda ya vale va hanyako ka Mkoma, Txizimu txako; kambe wutomi wa valala vako wu na rinzwa kule, ku nga dirigwi do rinzwa ngu txibhalakaza.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.